اسلام آباد: اے این ایف نے اسلام آباد ایئرپورٹ پر منشیات اسمگلنگ کی کوشش ناکام بناتے ہوئے مسافر کو گرفتار کرلیا۔
تفصیلات کے مطابق سعودی عرب جانے والے مسافر کے سامان سے 1130 گرام آئس ہیروئن برآمد کرلی گئی، جبکہ ملزم کو بھی تحویل میں لے لیا گیا ہے۔
ذرایع کا کہنا ہے کہ ہنگو کا رہائشی مسافر اسلام آباد سے نجی ایئرلائن سے جدہ جارہا تھا، مسافر کو اے این ایف نے گرفتار کرکے سیل منتقل کردیا۔
اسلام آباد ایئرپورٹ سے بیرون ملک منشیات اسمگلنگ کے جرم میں درجنوں مسافر گرفتار ہوچکے ہیں، حال ہی میں اے این ایف کی کارروائی میں دو ملزم گرفتار ہوا تھا۔
واضح رہے کہ 31 جنوری کو اسلام آباد ایئرپورٹ پر اے این ایف نے کارروائی کرتے ہوئے بیرون ملک منشیات سپلائی کرنے والے نیٹ ورک کے 2 افراد گرفتارکیے تھے۔
اسلام آباد ایئرپورٹ سے بیرون ملک منشیات اسمگلنگ کی کوشش ناکام
اے این ایف حکام کا کہنا تھا کہ ملزمان سے کروڑوں مالیت کی ایک کلو سے زائد منشیات برآمد ہوئی ہے، ملزمان قطرایئرلائن کی پروازکیو آر633 اے سے دوحا جا رہے تھے۔
