اسلام آباد: سابق وزیر اعظم نواز شریف کی درخواست ضمانت پر آئندہ سماعت عید کے بعد ہوگی.
تفصیلات کے مطابق سابق وزیر اعظم کی جانب سے دائر درخواست ضمانت کی سماعت کے لیے اسلام آباد ہائیکورٹ نے 11 جون کی تاریخ مقرر کردی.
اس ضمن میں اسلام آباد ہائی کورٹ نے وفاق، چیئرمین نیب، جیل سپرنٹنڈنٹ کوٹ لکھپت کو نوٹس جاری کر دیا ہے.
اسلام آباد ہائی کورٹ نے ہدایت کی ہے کہ تمام فریقین 11 جون سے پہلے تحریری جواب جمع کرائیں.
خیال رہے کہ آج سابق وزیراعظم نواز شریف سے مریم نواز اور لیگی رہنماؤں کی کوٹ لکھپت جیل میں ملاقات ہوئی تھی.
مزید پڑھیں: مشکل وقت میں بے وفائی کرنےوالوں کی ن لیگ میں جگہ نہیں، نواز شریف
اس موقع پر مسلم لیگ ن کے قائد نے کہا کہ مشکل وقت میں بے وفائی کرنے والوں کی ن لیگ میں جگہ نہیں ، اب کسی لوٹے کو واپس نہیں لیا جائےگا، ساتھ ہی ہدایت کی پارٹی کی تنظیم سازی جلد سے جلد مکمل کی جائے۔
اس موقع پر پارٹی رہنماؤں نے نواز شریف کو بتایا کچھ دوست پارٹی میں واپسی کیلئےرابطے کر رہے ہیں، جس پر نوازشریف نے کہا مشکل وقت میں بےوفائی کرنےوالوں کی ن لیگ میں جگہ نہیں، اب کسی لوٹےکوواپس نہیں لیا جائے گا۔
