اسلام آباد: سابق وزیر اعظم میاں نواز شریف سرکاری بلٹ پروف گاڑیوں کے ذاتی استعمال کے باعث نیب کے ریڈار پر آگئے.
تفصلات کےمطابق قومی احتساب بیورو (نیب) میاں نوازشریف سے بلٹ پروف گاڑیوں کےغیرقانونی استعمال پرتفتیش کرے گا.
نیب ذرائع ڈپٹی ڈائریکٹرکی سربراہی میں نیب کی ایک ٹیم سابق وزیر اعظم نوازشریف سے تفتیش کرے گی.
موصولہ اطلاعات کے مطابق تفتیشی ٹیم جیل سپرنٹنڈنٹ کے کمرے میں نوازشریف سے تفتیش کرے گی، نیب نے محکمہ جیل خانہ جات کو پیشگی اطلاع کردی ہے.
خیال رہے کہ چند ماہ قبل میاں صاحب کو طبی بنیادوں پر ضمانت دی گئی تھی، مدت ختم ہونے کے بعد انھیں دوبارہ گرفتار کیا گیا. اس وقت وہ کوٹ لکھپت جیل میں قید ہیں.
مزید پڑھیں: نواز شریف کی درخواست ضمانت پر آئندہ سماعت عید کے بعد ہوگی
یاد رہے کہ سابق وزیر اعظم نواز شریف کی درخواست ضمانت پر آئندہ سماعت عید کے بعد ہوگی، سماعت کے لیے اسلام آباد ہائیکورٹ نے 11 جون کی تاریخ مقرر کردی ہے.
اس ضمن میں اسلام آباد ہائی کورٹ نے وفاق، چیئرمین نیب، جیل سپرنٹنڈنٹ کوٹ لکھپت کو نوٹس جاری کر دیا ہے.
