ساؤتھمپٹن : آئی سی سی ورلڈ کپ کے وارم اپ میچ میں آسٹریلیا نے دلچسپ مقابلے کے بعد میزبان انگلینڈ کو بارہ رنز سے شکست دے دی،297رنز کے جواب میں انگلینڈ کی ٹیم 285رنز بناسکی۔
تفصیلات کے مطابق کرکٹ ورلڈ کپ 2019کے وارم اپ میچ میں انگلینڈ نے ٹاس جیت کر پہلے فیلڈنگ کا فیصلہ کیا جس کا آسٹریلوی بلے بازوں نے بھر پور فائدہ اٹھایا۔
آسٹریلیا نے پہلے کھیلتے ہوئے مقررہ50اوورز میں دو سو ستانوے رنز بنائے، اسٹیو اسمتھ ایک سو سولہ رنز بنا کر نمایاں رہے، پلنکٹ نے چار کھلاڑیوں کو آؤٹ کیا۔
آسٹریلیا کی جانب سے وارنر43،ایرون فنچ 14،مارش 30، اسمتھ116،عثمان خواجہ31،سٹوئنس 13،کیرے 30،کلٹر نائل 1سکور بنا کر آوٹ ہوئے، ہدف کے تعاقب میں انگلینڈ کی ٹیم دو سو پچاسی رنز پر ڈھیر ہوگئی۔
جیمز ونس اور جوڑ بٹلر کی نصف سنچریاں بھی ٹیم کے کام نہ آئیں۔ انگلینڈ کی جانب سے جیسن رائے 32،بریسٹو 12،وینس 64،سٹوکس 20بٹلر52،معین علی 22،واکس 40،کیورن 2بنا کر آوٹ ہوئے۔
