اشتہار

آصف زرداری نے جعلی اکاؤنٹس کیس منتقلی کا فیصلہ سپریم کورٹ میں چیلنج کردیا

اشتہار

حیرت انگیز

اسلام آباد : سابق صدر آصف زرداری نے جعلی اکاؤنٹس کیس منتقلی کا فیصلہ چیلنج کردیا، جس میں کہا گیا آصف زرداری پی پی پی پی کے صدر و بے  نظیر کے خاوند ہیں، انھیں سیاسی انتقام کانشانہ بنایاجاتارہاہے، جعلی اکاونٹس کیس کی جےآئی ٹی سےتحقیقات کرائیں۔

تفصیلات کے مطابق سابق صدر آصف زرداری نے جعلی اکاؤنٹس کیس منتقلی کا فیصلہ سپریم کورٹ میں چیلنج کردیا، مقدمہ بینک کورٹ سےاحتساب عدالت اسلام آبادمنتقلی کیخلاف اپیل دائر کی گئی۔

درخواست میں کہا گیا آصف زرداری پی پی پی پی کےصدروبےنظیرکےخاوندہیں، ان کوسیاسی انتقام کانشانہ بنایاجاتارہاہے، وہ سیاسی انتقام کےمقدمات میں جیل بھی رہے اور من گھڑت اورجھوٹےمقدمات سےبری ہوئے۔

- Advertisement -

دائر درخواست میں کہا گیا ایف آئی اےنےجعلی اکاونٹس کیس کی تحقیقات کاآغازکیا، آصف زرداری کوعبوری چالان میں ملزم نہیں بنایاگیا، عدالت نے جعلی اکاونٹس کیس کی جےآئی ٹی سےتحقیقات کرائیں۔

درخواست میں چیئرمین نیب اوربینکنگ کورٹ کو فریق بنایا گیا ہے۔

یاد رہے کہ 15 مارچ کو نیب کی درخواست پر بینکنگ کورٹ نے میگا منی لانڈرنگ کیس کراچی سے راول پنڈی منتقل کرنے کا حکم دیتے ہوئے سابق صدر آصف زرداری اور فریال تالپور سمیت دیگرملزموں کی ضمانتیں خارج کر دی تھیں۔

مزید پڑھیں : منی لانڈرنگ کیس منتقلی، سندھ ہائی کورٹ نے درخواستیں مسترد کردیں

بعد ازاں آصف علی زداری اور فریال تالپور نے بینکنگ کورٹ کے فیصلے کو سندھ ہائی کورٹ میں چیلنج کیا تھا، سندھ ہائی کورٹ نے منی لانڈرنگ منتقلی کیس کے حوالے سے دائر تمام درخواستیں مسترد کردیں تھیں۔

واضح رہے 7 جنوری کو جعلی بینک اکاؤنٹس کیس میں چیف جسٹس نے جعلی بینک اکاؤنٹس کیس کامعاملہ نیب کو بھیجا تھا، فیصلے میں کہا گیاتھا کہ نیب رپورٹ کا جائزہ سپریم کورٹ کا عمل درآمد بینچ لے گا، نئےچیف جسٹس نیب رپورٹ کا جائزہ لینے کیلئے عمل درآمد بینچ تشکیل دیں۔

جعلی بینک اکاؤنٹس کیس میں سابق صدر آصف زرداری، فریال تالپور اور مرادعلی شاہ نے فیصلے پر نظرثانی درخواستیں دائر کیں تھیں ، جسے سپریم کورٹ نے مسترد کردیاتھا۔

خیال رہے جعلی بینک اکاؤنٹ کیس میں جے آئی ٹی رپورٹ میں بلاول ہاؤس اور زرداری خاندان کے دیگر اخراجات سے متعلق انتہائی اہم اور ہوشربا انکشافات سامنے آئے تھے کہ زرداری خاندان اخراجات کے لیے جعلی اکاؤنٹس سے رقم حاصل کرتا رہا ہے

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں