لندن: امریکی حکومت کا کہنا ہے کہ ایران سے لاحق خطرہ اگرچہ ختم نہیں ہوا، مگر فی الحال ٹل گیا ہے.
ان خیالات کا اظہار امريکا کی قومی سلامتی کے مشير جان بولٹن نے اپنے ایک بیان میں کیا.
ان کا کہنا تھا کہ ايران سے لاحق خطرہ ابھی پوری طرح ختم نہيں ہوا ، ایسا کہنا قبل از وقت ہوگا، البتہ واشنگٹن کے فوری اقدامات کی وجہ سے يہ خطرہ بہ ہرحال ٹل ضرور گيا ہے۔
امريکا کی قومی سلامتی کے مشير نے يہ بيان برطانوی دارالحکومت لندن ميں میڈیا سے خصوصی گفتگو کرتے ہوئے دیا.
بولٹن نے امريکی صدر کے حاليہ بيان کا حوالہ دیتے ہوئے کہا کہ امريکا ايران ميں اقتدار کی تبديلی کی پاليسی پر عمل پيرا نہيں۔
مزید پڑھیں: سعودی تیل بردار بحری جہازوں پر حملے میں ایران ملوث ہے: امریکا کا دعویٰ
البتہ انھوں نے سب کچھ صیح ہونے کے تاثر کو رد کرتے ہوئے محتاط انداز میں کہا کہ اسی ماہ سعودی تنصيبات پر حملوں ميں ايران ملوث ہو سکتا ہے۔
خیال رہے کہ گزشتہ چند ماہ کے دوران ایران اور امریکا میں اختلافات شدت اختیار کر گئے تھے اور یہ خیال کیا جارہا تھا کہ امریکا ایران پر حملہ کرسکتا ہے.
اسی ضمن میں ایران کے وزیر خارجہ جواد ظریف پاکستان کا دورہ بھی کیا تھا۔
