دبئی: متحدہ عرب امارات کے نائب صدر شیخ محمد بن راشد المکتوم نے عید الفطر کے پرمسرت لمحات اہل خانہ کے ساتھ گزارے، اُن کی تصاویراور ویڈیو سوشل میڈیا پر وائرل ہوگئیں۔
تفصیلات کے مطابق شیخ محمد راشد المکتوم کے بیٹے اور دبئی کے ولی عہد شیخ حمدان بن محمد نے سماجی رابطے کی ویب سائٹ انسٹاگرام پر تصویر شیئر کی جس میں دیکھا جاسکتا ہے کہ شیخ محمد بن راشد المکتوم اہل خانہ کے ہمراہ عید الفطر منارہے ہیں۔
دوسری تصویر میں دیکھا جاسکتا ہے کہ شیخ محمد بن راشد المکتوم بچے کو پشت پر اٹھا کر خوشی کا اظہار کررہے ہیں۔
شیخ محمد راشد المکتوم کی صاحب زادی شیخ لطیفہ نے ویڈیو شیئر کی ہے جس میں متحدہ عرب امارات کے وزیراعظم ننھے بچے کے ساتھ موجود ہیں۔
قبل ازیں شیخ محمد بن راشد المکتوم نے عید الفطر کی نماز زبیل مسجد میں ادا کی۔
شیخ محمد کے بیٹے شیخ حمدان، شیخ مکتوم بن محمد بن راشد، شیخ احمد بن محمد نے دبئی میں عید الفطر کی نماز ادا کی۔
Pics: @HHShkMohd, accompanied by @HamdanMohammed & Maktoum bin Mohammed & Ahmed bin Mohammed, performs Eid Prayer in #Dubai pic.twitter.com/74p0q7QfLz
— Dubai Media Office (@DXBMediaOffice) June 4, 2019
