خیرپور: پاکستان پیپلز پارٹی کے رہنما منظور وسان نے پیش گوئی کی ہے موجودہ حکومت اس سال کے آخر میں دم تو ڑ جائے گی، عمران خان 2020 تک بھی نہیں چل پائیں گے اور اچانک وزیر اعظم کےعہدے سے مستعفی ہوں گے۔
تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے کہا ہے کہ عمران خان 2020 تک بھی نہیں چل پائیں گے ، لگتا ہے عمران خان اچانک وزیر اعظم کے عہدے سے مستعفی ہوں گے اور موجودہ حکومت اس سال کے آخر میں دم تو ڑ جائے گی۔
منظور وسان کا کہنا تھا پارٹی کے فیصلے کے بعدپنجاب سے احتجاج شروع کیاجائےگی ، احتجاجی سلسلہ شروع ہوتےہی مختلف پارٹیاں نکلیں گی۔
پی پی رہنما نے کہا آصف زرداری کی ضمانت میں توسیع ہوگی، عدالتوں سے پُر امید ہیں۔
مزید پڑھیں : عمران خان کی حکومت 2020 میں ختم ہوجائے گی، منظور وسان کی پیش گوئی
یاد رہے رہنما منظور وسان کا کہنا تھا موجودہ حکومت کا چلنا مشکل ہے، 2020 حکمرانوں کے لیے بڑا مشکل سال ثابت ہونے والا ہے اور عمران خان کی حکومت ختم ہوجائے گی۔
گذشتہ ماہ کے آغاز میں بھی پی پی رہنما نے وزیر اعظم عمران خان سے متعلق حیران کن پیش گوئی کرتے ہوئے کہا تھا 2020 عمران خان اور اس کی حکومت کے لیے کڑوا سال ثابت ہوگا، جون کے بعد حالات ایسے ہوں گے کہ وزیر اعظم خود ہی استعفیٰ دیں گے۔
ان کا کہنا تھا انھیں سوچ سمجھ کر فیصلے کرنے چاہییں، ایسا نہ ہو کہ مستقبل میں وزیر اعظم کے فیصلے نہ مانے جائیں اور انھیں اپنی سیاست سے ہاتھ دھونا پڑے۔
