لندن: دنیا میں انٹرنیٹ صارفین کی تعداد 3.8 ارب ہو گئی، صارفین کی تعداد کے اعتبار سے چین اول، بھارت دوسرے اور امریکا تیسرے نمبر پر ہے۔
تفصیلات کے مطابق بانڈ انٹرنیٹ ٹرینڈ لائن رپورٹ میں کہا گیا ہے کہ انٹرنیٹ کے صارفین کی تعداد میں ہر گزرتے دن اضافہ ہونے کے باوجود اضافے کی رفتار میں سستی آ رہی ہے۔
انٹرنیٹ صارفین کی تعداد سال 2018 میں اس سے قبل کے سال کے مقابلے میں 6 فیصد تک بڑھتے ہوئے 3.8 ارب تک پہنچ گئی ہے جو کل عالمی آبادی کے نصف سے زیادہ ہے۔
نیٹ صارفین کا 53 فیصد ایشیا پیسیفک میں 15 فیصد، یورپ میں 13 فیصد، افریقہ اور مشرق وسطیٰ میں 10فیصد جبکہ 9 فیصد شمالی امریکا میں ہے۔
صارفین کی تعداد کے اعتبار سے 21 فیصد شرح کے ساتھ چین اول نمبر پر، 12 فیصد شرح کے ساتھ بھارت دوسرے اور 8 فیصد کے ساتھ امریکا تیسرے نمبر پر ہے، اس لسٹ میں ترکی کا نمبر 15واں ہے۔
صارفین کا کہنا ہے کہ انٹرنیٹ کے بغیر گزارا نہ ممکن ہوچکا ہے، دنیا بھر کی معلومات باآسانی انٹرنیٹ سے حاصل کرلی جاتیں ہیں، جبکہ سوشل ویب سائٹس پیغام رسانی میں مدد فراہم کرتی ہیں۔
فائیو جی انٹرنیٹ کی دنگ کردینے والی رفتار سامنے آگئی
انٹرنیٹ کے بڑھتے ہوئے صارفین کے پیش نظر انٹرنیٹ کے استعمال کے لیے کچھ اصول بھی تیار کیے گئے ہیں، جبکہ ہر گزرتے دن کے ساتھ بچوں کی بھی بہت بڑی تعداد انٹرنیٹ صارفین کی صفوں میں شامل ہے۔
