مصری پولیس نے قاہرہ میں عین شمس یونیورسٹی کے طالب علموں کو منتشر کرنے کے لئے آنسو گیس کا بھرپور استعمال کیا۔
سیکیورٹی ذرائع کا کہنا ہے کہ مصر میں قاہرہ کے عین شمس یونیورسٹی کے باہر فوج کی حمایت یافتہ حکومت کے خلاف احتجاج کرنے والے طلبہ کو منتشر کرنے کے لئے پولیس نے مظاہرین کے خلاف آنسو گیس کا بھرپور استعمال کیا اور ان کے خلاف سخت کاروائی کی۔
طالب علموں نے پولیس پر جوابی کاروائی کے دوران آنسو گیس کے شیل اور پتھروں کا بھرپور استعمال کیا، مظاہرین نے یونیورسٹی کے کیمپس کے باہر حکومت کے خلاف نعرے بازی کی اور کئی گھنٹے سڑک کو بلاک کردیا، واضح رہے کہ یونیورسٹی کے طالبعلم نے رواں ہفتے کے شروع سے مظاہروں کا سلسلہ جاری رکھے ہوئے ہیں اور انہیں سیکیورٹی فورسز کی سخت مداخلت کا سامنا ہے۔
