کھانے کے بعد میٹھا کھانا ایک عام رجحان ہے اور کھانے کی لذت کو دوبالا کردیتا ہے۔ آج دوپہر کے کھانے کے ساتھ اپنے اہلخانہ کو مزیدار کیریمل کسٹرڈ پیش کریں۔

اجزا

دودھ: آدھا کلو

چینی: ڈیڑھ پیالی

کسٹرڈ پاؤڈر: 3 سے 4 کھانے کے چمچ

کریم: 1 پیکٹ

پنچ کینڈی: حسب ضرورت

ترکیب

سب سے پہلے چینی کو بغیر پانی کے پین میں ڈال کر اتنا پکائیں کہ چینی گھل جائے، چینی گولڈن سیرپ میں تبدیل ہوجائے تو دودھ ڈال کر جلدی جلدی چمچ چلائیں۔

کسٹرڈ پاؤڈر الگ پانی میں یا دودھ میں مکس کرلیں اس کے بعد دودھ میں شامل کر کے کسٹرڈ تیار کرلیں۔

کسٹرڈ ٹھنڈا کر کے کریم شامل کرلیں اور فریج میں رکھ دیں۔

جب یہ آمیزہ جم جائے تو اوپر پنچ کینڈی ٹافی کا چورا ڈال دیں اور مزیدار کیرمل کسٹرڈ سرو کریں۔