برمنگھم: ولڈکپ 2019 کا 33واں اہم میچ پاکستان اور نیوزی لینڈ کے درمیان کھیلا گیا جس میں قومی ٹیم نے ناقابلِ شکست کیویز کو 6 وکٹوں سے شکست دے کر ایک اور شاندار فتح اپنے نام کی۔
ورلڈکپ کا میچ میں دلچسپ مناظر دیکھنے کو ملے، اسٹیڈیم پاکستانی تماشائیوں سے کچھا کھچ بھرا ہوا تھا اور شائقین اپنے پسندیدہ کھلاڑیوں کو سپورٹ بھی کررہے تھے۔
دوسری جانب نامور پاکستانی کھلاڑی نے بطور تبصرہ نگار اپنے نئے کیریئر کا آغاز کیا۔ قومی کرکٹ ٹیم کے سابق کپتان اظہر علی نے میچ میں کمنٹری باکس سے بیٹھ کر اپنے ماہرانہ تبصرے دیے۔
A surprise commentary debut today on World Cup game.. @bbctms #CWC19 pic.twitter.com/VnVBR8IxNc
— Azhar Ali (@AzharAli_) June 26, 2019
انہوں نے کمنٹری باکس کی تصویر بھی سوشل میڈیا پر شیئر کی اور لکھا کہ : ’’ورلڈکپ کے میچ میں اچانک کمنٹری ڈیبیو ‘‘۔ اظہر علی کو نیا کیریئر شروع کرنے پر شائقین نے دلی مبارک باد پیش کرتے ہوئے اُن کے مستقبل کے لیے نیک تمناؤں کا اظہار بھی کیا۔
یاد رہے کہ اظہر علی نے گزشتہ برس نومبر 2018 میں کرکٹ سے ریٹائرمنٹ کا اعلان کیا تھا۔ اُن کا کہنا تھا کہ ٹیسٹ کرکٹ جاری رکھوں گا اپنی ریٹائرمنٹ کا اعلان کرتے ہوئے اظہر علی کا کہنا تھا کہ میری زیادہ پہچان ٹیسٹ کرکٹ ہے، وہاں ریکارڈ مزید بہتر کروں گا۔
اظہر علی کا کہنا تھا کہ ٹیسٹ کرکٹ میں میرا فوکس بیٹنگ پر ہے، ٹی 20 کرکٹ میں نے کھیلی ہی نہیں تو اس سے ریٹائرمنٹ کا اعلان کہاں سے کروں۔
What a pleasure to be joined by @TheRealPCB and @SomersetCCC star @AzharAli_!
📻 Listen to @bbctms on @5liveSport
📱 https://t.co/FtnFtzBM73 #CWC19 #NZvPAK #bbccricket pic.twitter.com/242eIVUjE1— Test Match Special (@bbctms) June 26, 2019
انہوں نے کہا کہ میں نے پوری کوشش کی اور پرفارمنس دی، چانس ملنا نہ ملنا اللہ کی طرف سے ہوتا ہے۔ میرے حساب سے یہ ریٹائرمنٹ کے لیے اچھا وقت ہے۔ اپنے فیصلے سے پہلے چیف سلیکٹر سمیت سب سے بات کی۔
اظہر علی کا کیریئر
سابق کپتان اظہر علی نے سنہ 2011 میں ون ڈے ڈیبیو کیا تھا۔ انہوں نے 53 ون ڈے میچز میں پاکستان کی نمائندگی کی۔ انہوں نے اس دوران 1 ہزار 8 سو 45 رنز بنائے جس میں تین سنچریز اور 12 نصف سنچریاں ہیں۔
