اسلام آباد: مشیر خزانہ ڈاکٹرعبد الحفیظ شیخ زیر صدارت اقتصادی رابطہ کمیٹی کا خصوصی اجلاس آج ہوگا، جس میں ہرکیٹیگری کے لیے قیمت میں اضافے کا فارمولا طے کیا جائے گا۔
تفصیلات کے مطابق وفاقی دارالحکومت اسلام آباد میں مشیر خزانہ ڈاکٹرعبد الحفیظ شیخ کی صدارت میں اقتصادی رابطہ کمیٹی کا اجلاس آج ہوگا۔
ذرائع کے مطابق ہرکیٹیگری کے لیے قیمت میں اضافے کا فارمولا طے کیا جائے گا۔ نئی قیمتوں کااطلاق یکم جولائی سے ہوگا، گیس کی قیمتوں میں اضافہ آئی ایم ایف کی شرائط میں شامل تھا۔
ذرائع کا کہنا ہے کہ گیس قیمتوں میں اضافے سے 500 ارب سے زیادہ ریونیو حاصل ہوگا، سعودی عرب سے ادھارتیل کے طریقہ کارکی منظوری، پیپرارولزکا اطلاق نہیں ہوگا۔
سعودی عرب سے ادھارتیل کی سہولت یکم جولائی سے شروع ہوجائے گی، پاکستان اسٹیٹ آئل سعودی عرب سے پیٹرولیم مصنوعات کی درآمد کرے گا۔
گھریلو صارفین کیلئے گیس 190 فیصد تک مہنگی کرنے کی منظوری
خیال رہے کہ گزشتہ روز مشیر خزانہ حفیظ شیخ کی زیرصدارت اقتصادی رابطہ کمیٹی کے اجلاس میں گھریلوصارفین کے لیے گیس کی قیمتوں میں اضافے کی منظوری دی گئی تھی۔
گندم کی برآمد کے لیے خصوصی کمیٹی تشکیل
یاد رہے کہ گزشتہ ہفتے اقتصادی رابطہ کمیٹی کے اجلاس میں گندم کی برآمد کے لیے خصوصی کمیٹی تشکیل دی گئی تھی، اجلاس میں انڈسٹریل سپورٹ پیکج کے معاملات سے متعلق کمیٹی بنانے کا فیصلہ کیا گیا تھا۔
