اشتہار

روس میں مسافر طیارہ ایمرجنسی لینڈنگ کے دوران عمارت سے ٹکرا گیا، 2 افراد ہلاک

اشتہار

حیرت انگیز

ماسکو: روس میں مسافر طیارے کو ایمرجنسی لینڈنگ کرنا پڑ گئی جس کے نتیجے میں 2 افراد ہلاک ہوگئے۔

غیرملکی خبررساں ادارے کے مطابق روسی علاقے سائبیریا میں ہنگامی حالات کے علاقائی وزارت کا کہنا ہے کہ آنٹونوف چوبیس طرز کا ایک مسافر ہوائی جہاز کو بوریاتیا کے خطے میں ایئرپورٹ پر ہنگامی لینڈنگ کرنا پڑی اور وہ عمارت سے ٹکرا گیا جس کے نتیجے میں 2 افراد ہلاک اور 7 زخمی ہوگئے۔

طیارے میں عملے کے 5 ارکان سمیت 48 افراد سوار تھے، دوران پرواز ایک انجن بند ہونے کے بعد ہنگامی لینڈنگ کے دوران طیارہ رن وے پر پھلستا ہوا ایک چھوٹی عمارت سے ٹکرا گیا۔

- Advertisement -

اس دوران طیارے میں آگ بھڑک اُٹھی جس کے سبب دو افراد ہلاک اور 7 زخمی ہوگئے، زخمیوں کو فوری طور پر طبی امداد کے لیے اسپتال منتقل کیا گیا جہاں 4 کی حالت تشویشناک بتائی گئی ہے، زخمیوں میں دو بچے بھی شامل ہیں۔

طیارہ حادثے کی تحقیقیات کا آغاز کردیا گیا ہے جس کے بعد میڈیا کے ذریعے عوام کو تفصیل سے آگاہ کردیا جائے گا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں