چکن پالک تو آپ کھاتے ہی رہتے ہوں گے آج ہم آپ کو پنیر کے ساتھ مزیدار چکن پالک بنانے کی ترکیب بتا رہے ہیں جسے کھا کر اہلخانہ آپ کی تعریف کرنے پر مجبور ہوجائیں گے۔
اجزا
مرغی کا گوشت: آدھا کلو
پالک (ابال لیں): آدھا کلو
پنیر: 1 کپ
تیل: آدھا کپ
ٹماٹر (چوپ کرلیں): 2 عدد
قصوری میتھی: 1 چائے کا چمچ
پیاز (چوپ کرلیں): 2 عدد
لہسن (چوپ کرلیں): 1 چائے کا چمچ
ادرک پیسٹ: 1 چائے کا چمچ
ہلدی پاؤڈر: آدھا چائے کا چمچ
ہری مرچ پیسٹ: 1 کھانے کا چمچ
نمک: حسب ذائقہ
ہرا دھنیہ (چوپ کرلیں): 2 چائے کا چمچ
ترکیب
سب سے پہلے سوس پین میں تیل گرم کر کے پیاز، لہسن اور ادرک پیسٹ ڈال کر فرائی کریں۔
اس میں چکن ڈال کر بھونیں، گوشت کی رنگت تبدیل ہوجائے تو ہلدی پاؤڈر٬ نمک اور ٹماٹر ڈال کر فرائی کریں۔
جب تیل الگ ہوجائے تو پالک ڈال دیں۔
گوشت گل جائے تو ہری مرچ پیسٹ ڈال کر بھونیں، تیل الگ ہوجائے تو قصوری میتھی٬ ہرا دھنیہ اور آدھا پنیر مکس کردیں۔
ڈش میں نکال کر باقی پنیر ڈال کر گرما گرم سرو کریں۔
