بدھ, فروری 5, 2025
اشتہار

پاکستان نے آئی سی سی سے ٹیم سیکیورٹی بڑھانے کا مطالبہ کردیا

اشتہار

حیرت انگیز

لیڈز: انگلینڈ میں گزشتہ روز پاکستان اور افغانستان کے میچ کے بعد ہونے والے ناخوشگوا ر واقعے کے بعد پاکستان ٹیم مینجمنٹ نےسیکیورٹی بڑھانےکامطالبہ کردیا۔

تفصیلات کے مطابق پاکستانی ٹیم کے سیکیورٹی آفیسرنےلوکل آرگنائزنگ کمیٹی اور آئی سی سی اہلکاروں سےملاقات کی، ملاقات میں گزشتہ روز کی صورتحال کے پیش نظر مطالبہ کیا گیا کہ پاکستانی ٹیم کی سیکیورٹی میں مزید اضافہ کیا جائے۔

پاکستانی ٹیم کے سیکیورٹی آفیشلز کا کہنا ہے کہ یہ مطالبہ پاک افغان میچ کےدوران سیکیورٹی صورتحال کی بنیادپرکیاگیاہے۔پاکستان ٹیم مینجمنٹ ورلڈکپ کے دوران سیکیورٹی انتظامات سےناخوش اور غیر مطمئن ہے۔

پاک افغان میچ کےدوران گراؤنڈاورراونڈسےباہرکشیدہ صورتحال رہی، میچ سے قبل کئی افغان تماشائیوں نے ایک پاکستانی تماشائی کو تشدد کا نشانہ بنایا۔میچ کے اختتام پر افغان تماشائی گراؤنڈ کے اندر بھی داخل گئے تھے، انہوں پاکستانی ٹیم کو بھی نشانہ بنانے کی کوشش کی تھی۔اس لڑائی جھگڑے میں ملوث متعدد افراد کو مقامی سیکیورٹی اہلکاروں نے پکڑا، بعد ازاں اس واقعے پر آئی سی سی نے ہنگامہ آرائی میں ملوث افغان تماشائیوں کے خلاف سخت کارروائی کا عندیہ دیا تھا۔

خیال رہے کہ گزشتہ روز کے میچ میں افغانستان کی جانب سے دیا گیا 228 رنز کا ہدف پاکستان ٹیم نے آخری اوور میں 7 وکٹوں کے نقصان پر پورا کیا، عماد وسیم اور وہاب ریاض نے شدید دباؤ میں بھی ذمہ دارانہ بیٹنگ کی، فتح کے بعد پاکستان پوائنٹس ٹیبل پر چوتھی پوزیشن پر آ گیا ہے، جب کہ سیمی فائنل تک رسائی کے لیے قومی ٹیم کو اس میچ میں فتح حاصل کرنا لازمی تھی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں