برمنگھم: بھارت کی کرکٹ ٹیم کے اوپنر روہت شرما نے اپنے ہی شارٹ سے زخمی ہونے والی خاتون کو دستخط والا کیپ تحفے میں دے دیا۔
تفصیلات کے مطابق ورلڈکپ 2019 کا چالسیواں میچ 2 جولائی منگل کے روز بھارت اور بنگلادیش کی ٹیموں کے مابین برمنگھم کے ایجبسٹن اسٹیڈیم میں کھیلا گیا۔
بھارتی کرکٹ ٹیم کے اوپنر روہت شرما نے 104 رنز کی شاندار اننگز کھیلی تھی، ایک گیند پر انہوں نے چھکا مارا تو اسٹیڈیم میں موجود تماشائی خاتون گیند منہ پر لگنے سے زخمی ہوگئیں تھیں۔
خاتون بھارتی کرکٹ ٹیم کو سپورٹ کرنے کے لیے میدان میں آئی تھیں جن کی شناخت مینا کے نام سے ہوئی۔ روہت شرما نے زخمی ہونے والی خاتون سے ملاقات کی اور انہیں تحفے میں اپنا دستخط شدہ ہیٹ (کیپ) دیا۔
She got hit by a @ImRo45 maximum and the opener was kind enough to check on her and give her a signed hat.#CWC19 pic.twitter.com/KqFqrpC7dS
— BCCI (@BCCI) July 2, 2019
یاد رہے کہ بھارت نے بنگلادیش کو باآسانی 28 رنز سے شکست دے کر سیمی فائنل تک رسائی حاصل کی تھی جبکہ بنگال ٹائیگرز کا سفر اختتام پذیر ہوگیا تھا۔
مزید پڑھیں: ورلڈ کپ 2019، بھارت نے بنگلہ دیش کو 28 رنز سے شکست دے دی
بھارت کی جانب سے جسپرت بھمرا نے چار جبکہ ہاردک پانڈیا نے تین کھلاڑیوں کو پویلین کی راہ دکھائی تھی۔ میچ میں فتح حاصل کرنے کے بعد بھارتی ٹیم 13 پوائنٹس کے ساتھ دوسرے نمبر پر آگئی تھی۔
