آج دستر خوان کو مزیدار کھڑے مصالحے کے پیاز گوشت سے سجائیں جسے کھا کر اہلخانہ آپ کو بے ساختہ داد دیں گے، اس کی آسان ترکیب مندرجہ ذیل ہے۔

اجزا

پیاز چھوٹی: آدھا کلو

لہسن کے جوئے (چوپ کرلیں: 8 عدد

ادرک: 1 انچ کا ٹکڑا

ثابت لال مرچیں: 10 عدد

دہی: 1 کپ

گوشت: آدھا کلو

مکس ثابت گرم مصالحہ: 1 کھانے کا چمچ

چھوٹی الائچی: 4 عدد

گھی: آدھا کپ

پانی: 1 گلاس

ترکیب

سوس پین میں گھی گرم کر کے ثابت گول پیاز فرائی کر کے نکال لیں۔

الائچی٬ مکس ثابت گرم مصالحہ٬ گوشت٬ لہسن٬ ادرک اور ثابت لال مرچیں ڈال کر بھونیں، اس کے بعد پانی ڈال کر گوشت گلا لیں۔

گوشت گل جائے تو دہی اور فرائی پیاز ڈال کر بھونیں۔

5 منٹ دم پر رکھیں اس کے بعد مزید تھوڑا سا بھون لیں۔

گرما گرم کھڑے مصالحے کا پیاز گوشت نان اور چپاتی کے ساتھ سرو کریں۔