اسلام آباد: پاکستان نے افغان امن عمل میں مثبت اور مصالحانہ کردار جاری رکھنے کے عزم کا اعادہ کیا ہے۔
تفصیلات کے مطابق آج وزیرخارجہ شاہ محمود قریشی سے جنرل سیکریٹری اقوام متحدہ کے نمائندہ برائے افغانستان نے ملاقات کی۔
اس اہم ملاقات میں افغان امن عمل سمیت دوطرفہ باہمی دلچسپی کے امور پرتبادلہ خیال کیا گیا۔
اس موقع پر وزیر خارجہ شاہ محمود قریشی نے کہا کہ پاکستان خلوص نیت سے افغان امن عمل میں مصالحانہ کردار ادا کرتا آرہا ہے۔
ان کا کہنا تھا کہ افغان امن عمل کے لئے افغان قیادت سے نتیجہ خیز مذاکرات کے حامی ہیں، اس کی حمایت جاری رکھیں گے۔
جنرل سیکریٹری اقوام متحدہ کے نمائندہ برائے افغانستان نے اس موقع پر افغان امن عمل، تعمیر نو سے متعلق پاکستان کے کردار کو سراہا۔
پاکستان وزیر خارجہ کا کہنا تھا کہ افغان امن کی کوششوں، تعمیر نو کے لئے کردار ادا کرتے رہیں گے۔
مزید پڑھیں: وزیر خارجہ شاہ محمودقریشی کی افغان صدراشرف غنی سےملاقات
اس موقع پر شاہ محمودقریشی نے افغان امن عمل میں مثبت اورمصالحانہ کردارجاری رکھنے کاعزم اعادہ کیا ہے۔
خیال رہے کہ 27 جون 2019 کو وزیر خارجہ شاہ محمود قریشی نے افغان صدر اشرف غنی سے ملاقات کی اور وزیر اعظم اورپاکستانی عوام کی طرف سے انھیں خوش آمدید کہا۔
ملاقات میں دو طرفہ تعلقات،افغان امن عمل سمیت باہمی دلچسپی کےامور اور معیشت، مواصلات، عوامی سطح پر روابط بہتر بنانے پر تبادلہ خیال کیا گیا۔
