اسلام آباد: وفاقی وزیر برائے مواصلات مراد سعید نے کہا ہے کہ خرچوں کے معاملے میں آصف زرداری قوم پر سب سے زیادہ بھاری پڑے.
ان خیالات کا اظہار انھوں نے فردوس عاشق اعوان کے ساتھ خصوصی پریس کانفرنس کرتے ہوئے کیا. ان کا کہنا تھا کہ آصف زرداری کے پاس 2016 میں 246 سیکیورٹی گاڑیاں تھیں.
مراد سعید نے کہا کہ آصف زرداری کے پاس2017 میں 286، 2018 میں 156 سیکیورٹی گاڑیاں تھیں، 556 پولیس اہل کار تعینات تھے. صاف پانی کے مسئلے سب سے زیادہ سندھ اور پھرپنجاب میں ہیں، سب سےزیادہ غربت سندھ میں ہے.
انھوں نے کہا کہ آصف زرداری صدر نہیں تھے، پھربھی دو کیمپ آفس رکھےہوئے تھے، 2016 میں اینٹ سے اینٹ بجانے کے چکرمیں زرداری بھاگ گئے تھے.
وفاقی وزیر نے کہا کہ 2015 میں نوازشریف کا ایک دن کا خرچہ 4 لاکھ 65 ہزار ڈالر تھا، 2016 میں نوازشریف علاج کے لئے باہرگئے، تو 3 لاکھ 27 ہزار پاؤنڈ خرچ کیے، جاتی امراکے سیکیورٹی کیمروں پر6 کروڑ 66 ہزار خرچ کیے گئے، نوازشریف کی سیکیورٹی پر 431 کروڑ اور43 لاکھ خرچ کیا گیا.
مزید پڑھیں: شرم کی بات ہے نواز شریف کے عمرے کا خرچ بھی عوام نے دیا: علی محمد خان
عمران خان کے گھر کی سڑک اپنے پیسوں سے بنی ہے، وہ وزیراعظم ہاؤس میں نہیں رہے، وہ بنی گالہ میں رہتے ہیں اوراپنا خرچہ خود اٹھاتے ہیں، جب کہ نوازشریف کےگھر کی فینسنگ کے لئے 24 کروڑ روپے خرچ کیے گئے. 431 کروڑ 83 لاکھ نااہل ہونے کے بعد نوازشریف پرخرچ ہوئے۔
مراد سعید نے بتایا کہ 872 کروڑ 69 لاکھ 59 ہزار شہباز شریف نے خرچے کیے. ان کے بھی 5 کیمپ آفسز تھے، چھوٹے میاں نے بڑے میاں کا خرچہ سنبھالا، بڑے میاں نے چھوٹے بھائی کے لئے ہیلی کاپٹر لیا، شہبا زشریف نےہیلی کاپٹر کا 526 مرتبہ ملک کے اندرہی استعمال کیا، ان لوگوں نے ملک کولوٹااورآج ان پیسوں کےتحفظ کی بات ہورہی ہے.
