دہلی: مون سون کے سیزن نے جنوبی ایشیائی ممالک میں تباہی مچا دی، نیپال اور بھارت میں ہلاکتوں کی تعداد 200 کا ہندسہ عبور کر گئی.
تفصیلات کے مطابق مون سون بارشوں نے نیپال اور مشرقی بھارت کے کئی شہروں میں زندگی کو تہ و بالا کر دیا. دونوں ممالک میں شدید بارشوں اور سیلابوں سے دو سو سے زائد انسان ہلاک ہو گئے۔
تیز بارشوں کے بعد بجلی کا نظام معطل ہوگیا، دیہی علاقے مرکز شہروں سے کٹ گئے، معمولات زندگی شدید متاثر ہوئے.
ماہرین کے مطابق اس وقت بھی ایک بڑی آبادی کو سنگین مشکلات کا سامنا ہے۔ لاکھوں انسانوں بے گھر ہو چکے ہیں۔
سب سے زیادہ متاثر مشرقی بھارتی ریاست بہار ہوئی ہے، جہاں صورت حال بگڑتی جارہی ہے. ریاست آسام بھی سیلاب کی زد میں ہے، مال مویشی کو بھی شدید نقصان ہوا ہے.
مزید پڑھیں: طاقتور سمندری طوفان امریکی ریاست لوئزیانہ سے ٹکرا گیا، سیلاب کا خطرہ
مختلف علاقوں میں عمارتوں کے ڈھے جانے اور اور وقفے وقفے سے لینڈ سلائیڈنگ کی اطلاعات موصول ہو رہی ہیں، ہلاکتوں کی تعداد میں اضافہ متوقع ہے. وبائی امراض پھوٹ پڑنے کا خدشہ بھی ظاہر کیا جارہا ہے.
موصولہ اطلاعات کے مطابق بارشوں اور سیلابی ریلوں میںنیپال میں 83 افراد ہلاک اور 35 لاپتا بتائے گئے ہیں۔
