لاہور: پنجاب میں ریلوے پولیس نے اہم کارروائی کرتے ہوئے ہیروئن بھارت اسمگلنگ کرنے کی کوشش ناکام بنا دی۔
تفصیلات کے مطابق ہیروئن کے 555گرام وزن کے دو پیکٹ بھارت جانے والی گڈز ٹرین کی بوگی نمبر 60618 میں چھپائے گئے تھے، جسے ریلوے پولیس نے آمد کرلیے۔
پاکستان ریلوے پولیس انسپکٹر غلام عباس کھچی، انسپکٹر رانا بابر و دیگر عملے نے دوران چیکنگ ہیروئن برآمد کر لی۔
ہیروئن کے 555گرام وزن کے دو پیکٹ گڈز ٹرین کی بوگی نمبر 60618 میں چھپائے گئے تھے۔ ریلوے پولیس کی مدعیت میں پرچہ بھی درج کر لیا گیا ہے جبکہ ڈی آئی جی ہیڈکوارٹرز شارق جمال خان نے ڈی ایس پی افتخار کی سربراہی میں خصوصی تحقیقاتی ٹیم تشکیل دیدی ہے جو تین دن میں تفتیش کرکے رپورٹ پیش کرے گی۔
یاد رہے کہ 24 مئی کو اسلام آباد ایئرپورٹ پراینٹی نارکوٹکس فورس نے مسافر کے قبضے سے1 کلو سے زائد آئس ہیروئن برآمد کی تھی۔
اے این ایف حکام کے مطابق ملزم چائے کے پیکٹ میں آئس ہیروئن چھپا کراسمگل کرنا چاہتا تھا، ملزم ثاقب کے ہمراہ خاتون جمیل اختربھی سفرکرنا چاہتی تھی۔
اسلام آباد ایئرپورٹ پراے این ایف کی کارروائی‘ 2 افراد گرفتار
واضح رہے کہ 24 مارچ کو اسلام آباد ایئرپورٹ پر اے این ایف نے کارروائی کرتے ہوئے خاتون کو گرفتار کرکے کروڑوں روپے مالیت کی منشیات برآمد کی تھی۔
