پشاور: وزیراعلیٰ خیبرپختونخواہ محمود خان نے کہا کہ نظام کو ہرحال میں ٹھیک کریں چاہے سختی دکھانا پڑے، تمام وزرا اور نمائندگان اپنے حلقوں کو ٹھیک کریں۔
تفصیلات کے مطابق وزیراعلیٰ خیبرپختونخواہ محمود خان نے میٹرک کے طلبہ اور ایڈمسٹریشن کو شاندار کارکردگی پر مبارکباد دیتے ہوئے کہا کہ تاریخ میں پہلی بارایسا ہوا سرکاری سطح پر72 فیصد مثبت نتیجہ آیا۔
وزیراعلیٰ خیبرپختونخواہ نے کہا کہ تمام وزرا اورنمائندگان اپنے حلقوں کوٹھیک کریں، ہم نے مل کرسسٹم کو ٹھیک کرنا ہے۔
محمود خان نے کہا کہ تعلیم کے شعبے میں 6 سالوں سے ترجیحی بنیادوں پرکام کر رہے ہیں، ہرایک ماہ بعد یا 2ماہ بعد اسکولوں کی کارکردگی دیکھتے ہیں۔
وزیراعلیٰ خیبرپختونخواہ نے مزید کہا کہ نظام کو ہرحال میں ٹھیک کریں چاہے سختی دکھانا پڑے۔
یاد رہے کہ رواں سال فروری میں وزیراعلیٰ خیبرپختونخواہ کا کہنا تھا کہ صوبائی حکومت فنی تعلیمی اداروں کو مضبوط اور موثر بنا رہی ہے، پاک چین اقتصادی راہداری میں نوجوانوں کو آگے لایا جائے گا۔
محمود خان کا کہنا تھا کہ خیبرپختونخواہ حکومت 4 ہزار طلبا کومفت فنی تعلیم فراہم کرے گی۔
