اسلام آباد: وزیراعظم عمران خان نے وفاقی کابینہ کا اجلاس کل طلب کرلیا، جس میں ولز آف بزنس 1973 میں ترمیم اور ایم ڈی نیکا کی تعیناتی کی منظوری دی جائے گی۔
تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس کل ہوگا ، کابینہ اجلاس کےلیے 9 نکاتی ایجنڈا جاری کردیا گیا ہے۔
ایجنڈا کے مطابق وفاقی کابینہ رولز آف بزنس 1973 میں ترمیم ، پاسکو کےایم ڈی کی تعیناتی اور سوشل ویلفیئر ڈیپارٹمنٹ کووزارت انسانی حقوق منتقل کرنے کی منظوری دے گی۔
این سی ایچ آر کے چیئرمین اور ممبران کی تعیناتی ،بچوں کے حقوق کے لیے کمیشن اور ایم ڈی نیکا کی تعیناتی کی منظوری بھی ایجنڈے میں شامل ہیں۔
وفاقی کابینہ متبادل انرجی ڈیولپمنٹ بورڈ کے سی ای او اور انٹرٹینمنٹ بجٹ اور گفٹس کے خاتمہ کی بھی منظوری دے گی
