لاہور : وزیر کالونیز پنجاب فیاض الحسن چوہان نے کہا شہبازشریف نےچارسوبیسی دکھائی اور ڈیلی میل پر کیس کے بجائے صرف شکایت کی ، جس کو سزا ہو وہ مجرم ہوتا ہے، ،بیگم صفدر اعوان اور کوٹ لکھپت جیل کےقیدی 420نوازشریف بھی مجرم ہیں۔
تفصیلات کے مطابق پنجاب کے وزیر کالونیز فیاض الحسن چوہان نے میڈیا سے گفتگو کرتے ہوئے کہا کل چارسوبیسی نظرآئی ، شہبازشریف نےکہاڈیلی میل پرکیس کروں گا، شہبازشریف نے صرف ڈیلی میل کو شکایت کی۔
فیاض الحسن چوہان کا کہنا تھا شہزاد اکبر نے بھی کہا لندن کی عدالت میں کیس کریں، وہاں جانے کی ا ن کی جرات اورہمت نہیں ہوئی ، لوگوں کو دکھانے کیلئے ایک میل کردی۔
مولانا فضل الرحمان سے روزگاری کا دکھ ان سے برداشت نہیں ہورہا
صوبائی وزیر نے کہا فضل الرحمان اصول کی نظام پروصول کی سیاست کرتے ہیں،وہ آج کل نوازشریف کاپیغام زرداری کوپہنچاتےہیں، آج کل بے روزگار ہیں، بے روزگاری کا دکھ ان سے برداشت نہیں ہورہا۔
ان کا کہنا تھا بارہ تیرہ سال کے بچوں کوسڑکوں پر سیاست کے بھینٹ چڑھا رہے ہیں، پہلے آپ سرکاری خرچوں پر 40لاکھ کی لسی پیتے تھے، 22 کروڑ کے عوام کی مینڈیٹ کو چیلنج نہیں کرسکتے۔
فیاض الحسن چوہان نے کہا سعودی عرب،ترکی ،یواےای سمیت ہر ملک پاکستان کے ساتھ ہے، یہ سب وزیراعظم عمران خان کی پالیسی کی وجہ سے ہوا۔
ان کا کہنا تھا اپوزیشن آئے جرائم پیشہ لوگ نہ آئیں، جس کو سزا ہووہ مجرم ہوتا ہے ،بیگم صفدر اعوان مجرم ہیں، کوٹ لکھپت جیل کے قیدی 420 نواز شریف بھی مجرم ہیں۔
کوٹ لکھپت جیل کے قیدی 420 نواز شریف بھی مجرم ہیں
صوبائی وزیر نے مزید کہا جہانگیر ترین الیکشن لڑنے کے حوالے سے نااہل قراردیا ، جہانگیر ترین کو سزا نہیں دی گئی ، انہوں نے 40سال کی منی لارنڈرنگ کویاد کرکے یوم سیاہ منایا۔
فیاض الحسن چوہان کا کہنا تھا ملک میں امن کےپیچھےوردی ہے ، شہبازشریف کی طرف توجہ دلاناچاہتاہوں ، آل شریف ٹبرقوم سے دھوکا کرتا ہے، شہبازشریف کوکہاتھا جگرہ رکھیں ڈیلی میل کیخلاف مقدمہ کریں ، ورلڈبینک کی رپورٹ بیگم صفدراعوان نےٹوئٹ کی۔
مولانا فضل الرحمان پر تنقید کرتے ہوئے انھوں نے کہا مولانافضل الرحمان نےاصول کےنام پروصول کی سیاست کی، فضل الرحمان کی کےپی میں سیاست کاعمران خان نےجنازہ نکال دیا، انھیں الرحمان اسلام آبادکی تڑپ رکھتےہیں۔
دنیاآج پاکستان کیساتھ کھڑی ہے اور بھارت خود تنہا ہوگیا
پنجاب کے وزیر کالونیز کا کہنا تھا ایک ماہ پہلےکہاگیاآٹےپرٹیکس لگ گیاپھرپتہ چلاایساکچھ نہیں، دنیاآج پاکستان کیساتھ کھڑی ہے اور بھارت خود تنہا ہوگیا، پی ٹی آئی کی کمال سیاست سےدنیاہماری گرویدہ ہوچکی ہے۔
