کوئٹہ: وزیراعلیٰ بلوچستان جام کمال نے کہا ہے کہ صادق سنجرانی کی کامیابی انتہائی اہم ہے، کامیابی کے لیے جمہوری اور سیاسی راستہ اپنایا گیا۔
تفصیلات کے مطابق وزیراعلیٰ بلوچستان جام کمال نے صادق سنجرانی کی کامیابی پر سینیٹرز کے اعزاز میں عشائیہ رکھا، اس موقع پر اسدقیصر، قاسم سوری، چوہدری غلام سرور اور زبیدہ جلال سمیت فردوس عاشق اعوان ودیگر سیاسی رہنماؤں نے شرکت کی۔
عشائیے سے گفتگو کرتے ہوئے وزیراعلیٰ بلوچستان جام کمال کا کہنا تھا کہ صادق سنجرانی کی کامیابی اتحادیوں کی محنت کا نتیجہ ہے۔
ان کا کہنا تھا کہ کامیابی کے لیے جمہوری اور سیاسی راستہ اپنایا گیا، بی اے پی حمایت پر حکومت اور اتحادی جماعتوں کی مشکور ہے۔ دریں اثنا شرکا کی جانب سے بھی چیئرمین سینیٹ صادق سنجرانی کو مبارکباد دی گئی۔
یاد رہے چیئرمین سینیٹ صادق سنجرانی کے خلاف اپوزیشن کی تحریک عدم اعتماد ناکام ہوگئی ہے ، جس کے ساتھ ہی وہ چیئرمین سینیٹ کے عہدے پر برقرار رہیں گے، قرارداد پر ووٹنگ کے دور ان میر حاصل بزنجو نے 50اور صادق سنجرانی نے 45ووٹ حاصل کئے ، پانچ ووٹ مسترد ہوئے۔
اپوزیشن ناکام ہو گئی، مولانا نے مریم نواز اور بلاول کو استعمال کیا: فواد چوہدری
چیئرمین سینیٹ کے خلاف تحریک عدم اعتماد کی ناکامی کے بعد حکومتی اراکین نے ڈیسک بجا کر ایک دوسرے کو مبارکباد دی اور حکومتی اراکین کی جانب سے ایک سنجرانی سب پر بھاری کے نعرے لگائے گئے۔
