راولپنڈی : ڈی جی آئی ایس پی آر میجرجنرل آصف غفور نے حاصل بزنجو کےبیان پر دوٹوک کہا کہ قومی ادارے کے سربراہ سے متعلق ریمارکس بے بنیاد ہیں۔
تفصیلات کے مطابق : ڈی جی آئی ایس پی آر میجرجنرل آصف غفور نے سماجی رابطے کی ویب سائٹ ٹوئٹر پر میرحاصل بزنجو کے بیان پردو ٹوک موقف میں کہا قومی ادارےکےسربراہ سےمتعلق ریمارکس بےبنیاد اور افسوس ناک ہیں، ذاتی سیاسی مقاصدکیلئے جمہوری عمل پراعتراض کرنا جمہوریت کیلئے فائدہ مند نہیں ہے۔
Remarks by Senator Mir Hasil Bizenjo implicating head of national premier institution are unfounded. The tendency to bring entire democratic process into disrepute for petty political gains doesn’t serve democracy.
— DG ISPR (@OfficialDGISPR) August 1, 2019
یاد رہے چیئرمین سینیٹ صادق سنجرانی کے خلاف اپوزیشن کی تحریک عدم اعتماد ناکام ہوگئی ہے ، جس کے ساتھ ہی وہ چیئرمین سینیٹ کے عہدے پر برقرار رہیں گے، قرارداد پر ووٹنگ کے دور ان میر حاصل بزنجو نے 50اور صادق سنجرانی نے 45ووٹ حاصل کئے ، پانچ ووٹ مسترد ہوئے۔
مزید پڑھیں : چیئرمین سینیٹ صادق سنجرانی کے خلاف تحریک عدم اعتماد ناکام
چیئرمین سینیٹ کے خلاف تحریک عدم اعتماد کی ناکامی کے بعد حکومتی اراکین نے ڈیسک بجا کر ایک دوسرے کو مبارکباد دی اور حکومتی اراکین کی جانب سے ایک سنجرانی سب پر بھاری کے نعرے لگائے گئے۔
اجلاس کےآغازپرقائد حزبِ اختلاف راجہ ظفر الحق نےتحریکِ پیش کی تواپوزیشن کے64 ارکان نےکھڑے ہو کرحمایت کی تھی، خفیہ رائےشماری ہوئی تو اپوزیشن درکار 53 ووٹ بھی حاصل نہ کرسکے۔
بعدازاں چیئرمین سینیٹ بننےکوبیتاب اپوزیشن کےامیدوارمیرحاصل بزنجوشکست کا صدمہ برداشت نہ کرسکے،الزام تراشیاں شروع کردیں تھیں اور کہا تھا کہ میں ہارا نہیں ہوں، میں جیت گیا ہوں ، تمام گیم میں شریک قوتوں کو اےپی سی میں بےنقاب کریں گے ، گورنرپنجاب اور وزیرخارجہ سینیٹ الیکشن کی اسٹرٹیجی بنارہےتھے ، گورنر اور وزیرخارجہ کا سینیٹ کےالیکشن سے کیا تعلق ہے۔
