اشتہار

بھارت پلوامہ جیسے مزید واقعات کرائے گا، سرحد پر صورت حال خراب ہونے کا خدشہ ہے: وزیر اعظم

اشتہار

حیرت انگیز

اسلام آباد: وزیر  اعظم عمران خان نے کہا ہے کہ پاکستان کشمیر کے معاملے پر کوئی سمجھوتا نہیں کرے گا.

تفصیلات کے مطابق وزیر اعظم نے کشمیر سے متعلق بھارت کے غاضبانہ اقدام پر کہا کہ بی جے پی نازی سوچ رکھنے والی جماعت ہے، نریندر مودی بھارت کے ہٹلر بننا چاہتے ہیں.

وزیر اعظم عمران خان نے کہا ہے کہ بھارت کشمیریوں کا قتل عام کرنا چاہتا ہے، کشمیر کا معاملہ سیکیورٹی کونسل میں اٹھانے کے لئے قانونی جائزہ لے رہے ہیں.

- Advertisement -

بھارت نے  ماضی میں  پلوامہ واقعے سے فائدہ اٹھانے کی کوشش کی، ہمارے لئے افغانستان میں کردارادا کرنا مشکل بنایا جارہا ہے.

مزید پڑھیں: پاکستان نے بھارتی ہائی کمشنر اجے بساریہ کو ملک چھوڑنے کا حکم دے دیا

وزیر اعظم نے کہا کہ بھارت پلوامہ جیسے واقعات کرائے گا، پاک بھارت سرحدوں پر  صورت حال مزید خراب ہونے کا خدشہ ہے، عالمی رائے عامہ سفارتی طریقے سے بدلنے کی کوشش کریں گے.

انھوں نے کہا کہ صدرٹرمپ کشمیرکےمعاملےمیں ثالثی کے لئے سنجیدہ ہیں، افغانستان میں پائیدارامن کے لئے مثبت کردار جاری رکھیں گے،پاکستان کی سلامتی کے لئے کسی بھی حد تک جاسکتے ہیں.

یاد رہے کہ گزشتہ روز وزیر اعظم کی زیر صدارت قومی سلامتی کمیٹی اجلاس منعقد ہوا تھا، جس میں بھارت کے ساتھ سفارتی تعلقات محدود کرنے اور دو طرفہ تجارت معطل کرنے کا فیصلہ کیا گیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں