کوئٹہ: کوئٹہ کے لیے پی آئی اے کا بعد از حج آپریشن 19 اگست سے شروع ہوگا، پہلی جج پرواز شب ڈیڈھ سو حجاج کو لے کر کوئٹہ پہنچے گی۔
پی آئی اے حکام کے مطابق سعودی عرب سے حجاج کرام کی واپسی کا آغاز کل 17 اگست سے ہورہا ہے تاہم بلوچستان کے حجاج کی کوئٹہ واپسی کا سلسلہ 19اگست سے ہوگا۔
پہلی جج پرواز انیس اگست کی شب نو بجے کوئٹہ ائیرپورٹ پر پہنچے گی، جدہ اور مدینہ سے مجموعی طور پر 57 پروازوں کے ذریعے کل 8 ہزار 3 سو حجاج کرام کو کوئٹہ ائرپورٹ پہنچایا جائے گا، حجاج کرام کی وطن واپسی کے حوالے سے فلائٹ آپریشن 9 ستمبر کو مکمل ہوجائے گا۔
دوسری جانب فریضہ حج کی ادائیگی کے بعد پاکستانی حجاج کرام کی وطن واپسی کا عمل آج سے شروع ہو رہا ہے۔
حجاج کرام کی وطن واپسی کا عمل آج رات سے شروع ہوگا، پی آئی اے کی تیاریاں مکمل
جدہ کے حج ٹرمینل پر رش اور سیکیورٹی کی وجہ سے حجاج کرام کو 10گھنٹہ پہلے ایئرپورٹ پہنچنے کی ہدایت کی گئی ہے، جس کے بعد حجاج کو پہنچانے کا انتظامات کردیئے گئے ہیں۔
