کراچی : پولیس نے قتل کی سنگین وارداتوں میں ملوث ایم کیو ایم لندن کے تین خطرناک ٹارگٹ کلرز کو حراست میں لے لیا، ملزمان سے اسلحہ برآمد کرکے مقدمات درج کرلئے گئے۔

تفصیلات کے مطابق کراچی کے علاقے سولجربازار میں پولیس نے کامیاب کارروائی کرکے ایم کیوایم لندن کے3ٹارگٹ کلرز کو گرفتار کرلیا۔

اس حوالے سے ایس ایس پی ایسٹ اظفرمہیسر نے میڈیا کو بتایا کہ ملزمان کیخلاف چھاپہ مار کارروائی خفیہ اطللاع پر کی گئی۔

گرفتار ملزمان قتل و رہزنی کی وارداتوں میں پولیس کو مطلوب تھے، ایس ایس پی ایسٹ کا کہنا تھا کہ ملزم کمال حسین عرف چاچا10افراد کی ٹارگٹ کلنگ میں ملوث ہے۔

ملزم امتیاز عرف مانا لسانی فسادات اور دس افراد کی ٹارگٹ کلنگ میں ملوث ہے،اس کے علاوہ ملزم شاہد نیگرو نو افراد کی ٹارگٹ کلنگ میں ملوث ہے۔

اظفرمہیسر ک امزید کہنا تھا کہ گرفتارٹارگٹ کلرز سفاک قاتل ہیں۔ گرفتار ٹارگٹ کلرز نے لسانی فسادات میں لوگوں کوزندہ بھی جلایا، ٹارگٹ کلرز سےاسلحہ برآمد کیا گیا ہے۔