اسلام آباد : صدر مملکت عارف علوی نے کہا دنیاکومعلوم ہونا چاہیے کشمیریوں کی آوازفوجی طاقت سےنہیں دبائی جاسکتی ، کشمیریوں کے ہر آنسو اور بہتے خون کے قطرے میں آزادی کا مطالبہ ہے۔
تفصیلات کے مطابق صدر مملکت عارف علوی نے سماجی رابطے کی وہب سائٹ ٹوئٹر پر اپنے بیان میں کہا دنیا کو معلوم ہونا چاہیے کشمیریوں کی آواز فوجی طاقت سے نہیں دبائی جاسکتی، کشمیر کی خوبصورت وادی اور عوام کو لوٹاجارہا ہے ، کشمیریوں کے ہر آنسواور بہتے خون کے قطرے میں آزادی کا مطالبہ ہے۔
The world should know that Kashmir has been violated by Indian bullets & boots. They have raped & plundered a beautiful land and their people. Freedom is their cry from every tear shed and every drop of blood spilled. https://t.co/xqvn7qAorP
— Dr. Arif Alvi (@ArifAlvi) August 24, 2019
اس سے قبل صدرعارف علوی نے انٹرویو میں کہا تھا کہ بھارت مقبوضہ کشمیر میں عوام کی خواہش دبا کر آگ سے کھیل رہا ہے، ، یہ آگ خود بھارت کی سلامتی کو جلا کر راکھ کردے گی، عالمی برادری بھارت کو غیرآئینی اقدامات سے روکنے کیلئے دباؤ ڈالے۔
عارف علوی کا کہنا تھا کہ بھارت مذاکرات کے ساتھ مسئلہ کشمیر عالمی تنازع ماننے سے بھی انکاری ہے، اقوام متحدہ کی قراردادوں سے مسئلہ کشمیر تسلیم شدہ عالمی تنازع ہے، بھارت اندرونی معاملہ کہہ کر دنیا کی آنکھوں میں دھول جھونکنا بند کرے، بھارت غیرآئینی اقدام واپس لے کرکشمیریوں کو مستقبل کا فیصلہ کرنے دے۔
