اسلام آباد ؛ پارلیمنٹ کا مشترکہ اور قومی اسمبلی کا طلب شدہ اجلاس منسوخ کر دیا گیا ، مشترکہ اجلاس آج شام 5بجے پارلیمنٹ ہاﺅس میں طلب کیا گیا تھا ، جس میں صدر مملکت کو خطاب کرنا تھا۔
تفصیلات کے مطابق پارلیمنٹ کا مشترکہ اجلاس ناگزیر وجوہات کی بناء پر موخر کر دیا گیا، صدر اسلامی جمہوریہ پاکستان کی جانب سے مجلس شوری ٰ (پارلیمنٹ) کا مشترکہ اجلاس آج شام 5بجے پارلیمنٹ ہاﺅس میں طلب کیا گیا تھا، جس میں صدر مملکت نے مشترکہ اجلاس سے خطاب کرنا تھا۔
ذرائع وزارت پارلیمانی امور کے مطابق مشترکہ اجلاس کا نیا شیڈول بعد میں جاری کیا جائے گا
دوسری جانب صدر اسلامی جمہوریہ پاکستان کی جانب سے قومی اسمبلی کا اجلاس جو 2 ستمبر کو شام 4بجے پارلیمنٹ ہاﺅس میں طلب کیا گیا تھا ، اسے بھی منسوخ کر دیا گیا ۔
صدر نے دونوں اجلاسوں کی منسوخی کی منظوری آئین کے آرٹیکل 54کی شق 1 کے تقویص اختیارات کے تحت کیا ہے۔
مزید پڑھیں : نکلو کشمیر کی خاطر: آج وزیر اعظم کی اپیل پر قوم یک زبان ہوگی
خیال رہے وزیراعظم پاکستان کے اعلان پر آج دن بارہ سے ساڑھے بارہ بجے تک کراچی سے خیبر، بولان سے بلتستان، پوری قوم یک جان ہوگی اور کشمیریوں سے اظہار یکجہتی کا پیغام دنیا بھر میں پہنچائے گی۔
بارہ بجے سائرن بجیں گے، قومی ترانے کے بعد کشمیر کا ترانہ بھی پڑھا جائے گا، اسلام آباد کے تمام ٹریفک سگنل آدھے گھنٹے تک سرخ رہیں گے ٹریفک رُکی رہے گی، سگنلز اور شاہراہوں پر کشمیریوں سے اظہاریکجہتی کے لیے مظاہرہ کیا جائےگا۔
مرکزی اجتماع ڈی چوک پر ہوگا، سرکاری دفتروں کاعملہ جمع ہو کر اظہاریکجہتی کرےگا، پی ٹی آئی کے وزرا اورمقامی قائدین بھی ڈی چوک پر جمع ہوں گے۔
