وارسا: پولینڈ کے دارالحکومت ورسا میں ہزاروں افرادجمع ہوئے،تقریب جرمن صدر فرانک والٹر شٹائن مائرکی اس جنگ کے متاثرین سے معافی مانگی۔
تفصیلات کے مطابق دنیا کے مختلف ممالک کے سربراہان مملکت و حکومت اتوار کو دوسری عالمی جنگ شروع ہونے کے 80 برس پورے ہونے پر پولینڈ میں جمع ہوئے۔
غیر ملکی خبر رساں ادارے کا کہنا تھا کہ ویلون میں منعقدہ تقریب سے خطاب کرتے ہوئے جرمن صدر فرانک والٹر شٹائن مائرنے اس جنگ کے متاثرین سے معافی طلب کی۔
ویلون میں آج اتوار کی صبح دنیا بھر سے آئے ہوئے اور مقامی شہریوں نے بمباری میں ہلاک ہونے والے تقریباً دو ہزار افراد کی یاد میں ایک منٹ کی خاموشی اختیار کی۔ ان میں اس بمباری میں بچ جانے والے افراد بھی شریک تھے۔
اس تقریب کے کچھ دیر بعد پولش وزیراعظم ماتیئوش موراویئسکی اور یورپی کمیشن کے نائب سربراہ فرنز ٹمرزمن نے بحیرہ بالٹک پر جزیرہ نما ویسٹر پلیٹ پر ہونے والی ایک تقریب میں شرکت کی۔ یہ وہ جگہ ہے جہاں سے پولش دستوں نے اپنی مزاحمت شروع کی تھی۔
غیر ملکی خبر رساں ادارے کا کہنا تھا کہ یکم ستمبر 1939ءکو نازی جرمنوں نے ویلون پر سب سے پہلے حملہ کیا تھا۔
اس لڑائی کے دوران پولینڈ کے کچھ علاقوں میں بڑے پیمانے پر ہلاکتیں ہوئی تھیں اور ان میں اس ملک میں آباد تین ملین یہودی شہری بھی شامل تھے۔ اس سلسلے میں مرکزی تقریب پولش دارلحکومت وارسا میںاتوار کو تقریب منعقد کی گئی ۔
