انقرہ : طیب اردوگان کا کہنا ہے کہ رواں ماہ نیویارک میں جنرل اسمبلی کے اجلاس کے موقع پر ٹرمپ سے ملاقات کروں گا۔
تفصیلات کے مطابق ترک صدر رجب طیب ارودگان نے کہا ہے کہ ان کا ملک کسی بھی دوسرے ملک سے جنگی طیارے خرید کرنے کی صلاحیت رکھتا ہے اگر امریکا نے ایف 35 طیارے نہ دیئے تو روس کے ایس یو 35 اورایس یو 57 طیارے خریدنے کے لیے روس سے بات کی جاسکتی ہے۔
تفصیلات کے مطابق انہوں نے کہا کہ میں رواں ماہ نیویارک میں ہونے والے جنرل اسمبلی کے اجلاس کے موقع پر امریکی ہم منصب ڈونلڈ ٹرمپ سے ملاقات کروں گا۔
ایک سوال کے جواب میں صدر طیب ایردوآن نے کہا کہ اگر امریکا نےایف35 طیاروں کے حوالے سے موجودہ موقف تبدیل نہ کیا تو ترکی کسی دوسرے ملک سے طیاروں کی ڈیل کرسکتا ہے۔
انہوں نے کہا کہ روسی طیارے ایس یو 35 اورایس یو 57 کے بارے میں روس کے ساتھ بات چیت کی جا رہی ہے ہم اپنے دفاع اور دفاعی صنعت کی ضرورت کےلیے ہر ملک سے بات کریں گے۔
