کراچی: ڈپٹی اسپیکر قاسم سوری کا کہنا ہے کہ ساؤتھ ایشیا اسپیکر کانفرنس کے دوران کشمیر پر بات شروع کی تو بھارتی وفد نے مجھے خطاب سے روکنے کی بھرپور کوشش کی۔
اے آر وائی نیوز کے پروگرام سوال یہ ہے میں گفتگو کرتے ہوئے قاسم سوری کا کہنا تھا کہ کشمیر کی آواز آج ساؤتھ ایشیا اسپیکر کانفرنس کے ذریعے دنیا کو پہنچائی ہے، میں نے اپنے خطاب میں خصوصی کشمیر کا ذکر کیا۔
انہوں نے کہا کہ سچ برادشت نہ ہوا تو میرے خطاب کے دوران بھارتی وفد نے شور کرنا شروع کردیا، خطاب کے دوران کشمیر میں ہونے والے مظالم کا ذکر کیا۔
قاسم سوری نے بتایا کہ بھارتی وفد نے مجھےخطاب سے روکنے کی بھرپور کوشش کی، مودی سرکار کی قابضانہ سوچ آج دنیا کو بتائی ہے۔
ڈپٹی اسپیکر کا کہنا تھا کہ دنیا کو بتایا مودی سرکار کی سوچ سے پوری دنیا کو خطرہ ہے، مظلوم کشمیریوں سے ان کی آزادی چھین لی گئی ہے۔
کشمیر پر یورپی پارلیمنٹ کی خارجہ کمیٹی کا اجلاس بڑی پیشرفت ہے: فاروق حیدر
ان کا مزید کہنا تھا کہ کانفرنس کے شرکا نے بھارتی مظالم کی مذمت کی ہے، کانفرنس کے شرکا نے بھارتی مظالم کے نوٹس کا بھی مطالبہ کیا ہے۔
خیال رہے کہ گذشتہ روز مالدیپ میں ہونے والی اسپیکر کانفرنس میں ڈپٹی سپیکر قومی اسمبلی قاسم خان سوری نے کشمیریوں کے لیے بھرپور آواز اٹھائی جس پر بھارتی وفد آگ بگولہ ہوگیا اور کانفرنس کے دوران ہنگامہ آرائی بھی کی۔
