کولمبو: سری لنکا کے مایہ ناز فاسٹ بولر لیستھ ملنگا نے شاہد خان آفریدی کا ریکارڈ توڑ دیا۔
تفصیلات کے مطابق گزشتہ روز سری لنکا کے فاسٹ بولر لیستھ ملنگا نے ٹی ٹوینٹی میں سب سے زیادہ وکٹیں حاصل کرنے کا اعزاز اپنے نام کرلیا۔
ملنگا ٹی ٹوینٹی میں 99 وکٹیں حاصل کرچکے ہیں، رائٹ آرم فاسٹ بولر نے یہ ریکارڈ نیوزی لینڈ کے خلاف میچ میں بنایا۔
واضح رہے کہ لیستھ ملنگا نیوزی لینڈ کے خلاف کھیلی جانے والی تین میچوں کی ٹی ٹوینٹی سیریز میں ٹیم کی قیادت کررہے ہیں، انہوں نے ٹی ٹوینٹی کیریئر کا آغاز 2006 میں انگلینڈ کے خلاف کیا تھا۔
ملنگا اپنے منفرد بولنگ ایکشن کی وجہ سے شہرت رکھتے ہیں، انہوں نے 30 ٹیسٹ میچز میں 101، 226 ون ڈے میچز میں 226 کھلاڑیوں کو پویلین کی راہ دکھائی ہے۔
ICYMI: Lasith Malinga surpassed @SAfridiOfficial to become the highest wicket-taker in T20 international cricket 👏🇱🇰
Match report 👉 https://t.co/hpdShwn4S8 #SLvNZ pic.twitter.com/QYfJOdErps
— Cricingif (@_cricingif) September 2, 2019
اس سے قبل ٹی ٹوینٹی میں سب سے زیادہ وکٹوں کا ریکارڈ شاہد آفریدی کے پاس تھا، بوم بوم نے ٹی ٹوینٹی میں 98 وکٹیں حاصل کی تھیں۔
گزشتہ روز کھیلے جانے والے میچ میں نیوزی لینڈ سری لنکا کو شکست دی تھی جبکہ لیستھ ملنگا نے دو وکٹیں حاصل کی تھیں۔
یاد رہے کہ سری لنکا کی ٹیم ون ڈے اور ٹی ٹوینٹی سیریز کے لیے رواں ماں کے آخر میں پاکستان پہنچے گی، لاہور میں تین ٹی ٹوینٹی میچز کی سیریز کھیلی جائے گی جبکہ کراچی ون ڈے سیریز کی میزبانی کرے گا۔
