اسلام آباد: معاون خصوصی برائے اطلاعات فردوس عاشق اعوان نے کہا ہے کہ بلاول چاہتے ہیں کہ دھرنامولانا صاحب اور ان کے مدارس کے بچے دیں اور وہ بلٹ پروف گاڑی سے اتر کر کرسی پر بیٹھ جائیں.
ان خیالات کا اظہار انھوں نے بلاول بھٹو کی جانب سے دھرنے میں شرکت نہ کرنے کے اعلان پر اپنے ٹویٹ میں کیا. ان کا کہنا تھا کہ پہلے ہی دن کہہ دیا تھا کہ اپوزیشن آپس میں سیاست کر رہی ہے.
پہلے بھی کہا تھا، اپوزیشن کوخود اپوزیشن سے خطرہ ہے، مولانا صاحب پارٹیاں آپ کو قربانی کا بکرا بنانے کی سازش کررہی ہیں.
انھوں نے کہا کہ بلاول ملک کا دورہ کرنے کے بجائے کراچی میں پھیلے کچرےکی صفائی پر توجہ دیں، بدقسمتی ہے کہ وسائل سندھ کےغریب عوام تک نہیں پہنچ رہے، جب تک پی پی سندھ میں مسلط ہے،عوام کا بھلا ممکن نہیں.
مزید پڑھیں: بلاول بھٹو کا مولانا فضل الرحمان کے دھرنے میں شرکت نہ کرنے کا اعلان
انھوں نے پی پی چیئرمین پر تنقید کرتے ہوئے کہا کہ عمران خان کشمیریوں کادنیابھرمیں مظلوموں کا مقدمہ لڑ رہے ہیں، جمعہ کےدن کشمیریوں کے حق کی آواز بلند اور بھارتی ظلم کوبے نقاب کریں گے.
معاون خصوصی برائے اطلاعات کے مطابق یہ وقت قوم کو تقسیم نہیں یک جا کرنے کا ہے.
