کراچی : شہر قائد میں سمندری ہوائیں بحال ہونے سے گرمی میں کمی آگئی ہے، آج مطلع جزوی ابر آلود رہے گا جبکہ درجہ حرارت زیادہ سے زیادہ چونتیس سے چھتیس ڈگری سینٹی گریڈ رہنے کا امکان ہے۔
تفصیلات کے مطابق محکمہ موسمیات کا کہنا ہے کہ کراچی میں سمندری ہوائیں بحال ہونے سے حبس میں کمی آگئی ، جس کے باعث گرمی میں مزیدکمی ہوگی۔
کراچی میں آج مطلع جزوی ابرآلود، موسم گرم اورمرطوب رہنے کی پیشگوئی کرتے ہوئے کہا درجہ حرارت زیادہ سے زیادہ چونتیس سے چھتیس ڈگری سینٹی گریڈ رہنے کا امکان ہے۔
محکمہ موسمیات کا کہنا ہے کہ گزشتہ شام سے ہوا میں نمی کے تناسب میں کمی ہوئی ، ہوامیں نمی کا تناسب 76 فیصد ریکارڈ کیا گیا، نمی کا تناسب کم ہونے سے حبس اور درجہ حرارت میں کمی واقع ہوگی۔
شہر کا موجودہ درجہ حرارت سینٹی گریڈ اور ہوا میں نمی کا تناسب 67 فیصد ہے جبکہ ہوا 29 کلومیٹرفی گھنٹہ کی رفتارسےچل رہی ہے، ہوا کی رفتار میں گزشتہ روز کے مقابلے میں اضافہ ہوگا۔
محکمہ موسمیات کے مطابق ملک کے بیشترعلاقوں میں موسم گرم اور مرطوب رہےگا جبکہ آئندہ چوبیس گھنٹوں میں لاہور،راولپنڈی ،اسلام آباد، پشاور، گلگت بلتستان اورکشمیر میں کہیں ہلکی اورکہیں تیز بارش کی پیشگوئی کی ہے۔
