منی ایچر آرٹ یعنی ننھی منی اشیا تخلیق کرنا بے حد مشکل کام ہے، لیکن ایک بار اس میں مہارت اور دسترس حاصل ہوجائے تو تخلیق ہونے والا فن دنگ کردیتا ہے۔
ایسے ہی ایک فنکار نے کچھ ننھے منے سے ہیلمٹ بنائے ہیں جن کی نفاست اور خوبصورتی دیکھ کر آپ حیران رہ جائیں گے اور انہیں اپنی میز پر سجانا چاہیں گے۔
ان میں سے ایک ہیلمٹ قدیم یونانی ریاست اسپارٹا کے جنگجوؤں کا ہے جسے اسپارٹن ہیلمٹ کہا جاتا ہے۔
دوسرا ہیلمٹ معروف ویڈیو گیم پب جی میں دکھایا جانے والا ہیلمٹ ہے، جبکہ تیسرا ایک تصوراتی کردار وکنگ کا ہیلمٹ ہے۔ یہ تمام ہیلمٹس تانبے سے بنائے گئے ہیں۔
آپ کو کون سا ہیلمٹ سب سے زیادہ پسند آیا؟
