ممبئی: بھارتی ریاست راجستھان میں حادثے میں ہلاک ہونے والے فقیر کے گھر سے 10 لاکھ روپے برآمد کرلیے گئے۔
بھارتی میڈیا رپورٹس کے مطابق بھارتی ریاست راجستھان میں ریلوے ٹریک عبور کرتے ہوئے فقیر برجو چندرا آزاد ہلاک ہوئے، پولیس نے جب ان کے جھونپڑے کی تلاشی لی تو گھر سے 8 لاکھ 77 ہزار فکسڈ ڈپازٹ کے سرٹیفکیٹس اور ڈیڑھ لاکھ کے قریب سکے برآمد ہوئے۔
بھارتی پولیس کے مطابق 83 سالہ برجو چندرا آزاد گووندی علاقے میں اسٹیشن پر پٹری عبور کررہے تھے کہ ٹرین کی زد میں آکر ہلاک ہوگئے۔
پولیس کا کہنا ہے کہ برجو چندرا کا کمرہ پرانے اخبارات سے بھرا ہوا تھا جب کمرے کی تلاشی لی گئی تو ایک تھیلے سے سکے برآمد ہوئے۔
برجو چندرا کی حادثے میں ہلاکت کے بعد جب پولیس ان کے اہل خانہ کی تلاش کے لیے گھر پہنچی تو گھر کے ایک کمرے سے ڈیڑھ لاکھ کے قریب سکے اور 8 لاکھ 77 ہزار فکسڈ ڈپازٹ سرٹیفکیٹ برآمد ہوئے۔
پولیس کا کہنا ہے کہ ان کے جھونپڑے سے شناختی کارڈ، پین کارڈ اور آدھار کارڈ بھی برآمد ہوا ہے۔
رپورٹ کے مطابق پولیس نے برجو چندرا آزاد کے اہل خانہ کی تلاش شروع کردی ہے۔
