میونخ: جرمن شہر میونخ ہیل میں یہودیوں کی عبادت گاہ کے قریب فائرنگ کے نتیجے میں 2 افراد ہلاک ہوگئے.
غیرملکی خبررساں ادارے کے مطابق جرمن شہر میونخ ہیل میں یہودیوں کی عبادت گاہ کے قریب فائرنگ سے 2 افراد زندگی کی بازی ہار گئے، حملہ آور نے عبادت گاہ سے متصل قبرستان میں گرنیڈ بھی پھینکا۔
عینی شاہدین کے مطابق فائرنگ کرنے والا نوجوان فوجی وردی میں ملبوس تھا، فائرنگ کے بعد حملہ آور چھوٹی گاڑی میں فرار ہوا۔
رپورٹ کے مطابق حملہ یہودیوں کے مذہبی تہوار کے موقع پر کیا گیا، پولیس نے ہیل اسٹیشن کوبند کردیا اور حملہ آور کی تلاش جاری ہے۔
مزید پڑھیں: جرمنی: نامعلوم شخص کی فائرنگ سے دو افراد ہلاک، متعدد زخمی
جرمن پولیس نے سماجی رابطے کی ویب سائٹ ٹویٹر پر شہریوں کو گھروں میں رہنے کی ہدایت کی ہے۔
عینی شاہدین کا کہنا ہے کہ فائرنگ کرنے والا شخص جوان تھا۔
واضح رہے کہ جرمن پولیس کو 2018 کے پہلے نصف حصے میں سامیٹک مخالف حملوں کی 400 سے زائد اطلاعات موصول ہوئی تھیں، رواں سال اس میں دس فیصد اضافہ ہوا ہے۔
یاد رہے کہ رواں سال مئی میں جرمن شہر ساربروکن میں نامعلوم مسلح شخص کی فائرنگ سے 2 افراد ہلاک ہوگئے تھے۔
