نیویارک: فوٹو شیئرنگ کی موبائل ایپلیکشن انسٹاگرام نے سیکیورٹی کے حوالے سے نیا فیچر متعارف کرادیا۔
انسٹاگرام کی جانب سے جاری ہونے والے اعلامیے کے مطابق صارفین کی معلومات کو محفوظ بنانے کے لیے سیکیورٹی فیچر کو آزمائشی طور پر متعارف کرایا گیا، 6 ماہ بعد اسے دنیا بھر میں استعمال کیا جاسکے گا۔
کمپنی کے مطابق انسٹاگرام کے متعدد صارفین تھرڈ پارٹی ایپلیکشنز استعمال کرتے ہیں جس سے خدشہ تھا کہ اُن کا ڈیٹا کوئی بھی کمپنی استعمال کرسکتی ہیں۔
فیچر ایکٹیو کرنے کا طریقہ
انسٹاگرام ایپ کی سیٹنگز میں جاکر سیکیورٹی اور پھر ایپس اینڈ ویب سائٹ کا آپشن کھولیں، وہاں تھرڈ پارٹی سروسز کا آپشن آئے گا جسے اگر کھول دیا جائے تو وہاں آئی ڈی پر چلنے والی تمام تھرڈ پارٹی ایپ بند ہوجائیں گی، صارف اپنی مرضی کے مطابق دوبارہ انہیں کھول سکے گا۔
کممپنی کی جانب سے جاری ہونے والے اعلامیے میں کہا گیا ہے کہ ’’ہم اپنے صارف کو مزید اختیار دینا چاہتے ہیں تاکہ وہ اپنے ڈیٹا کو مزید محفوظ بنا سکے‘‘۔ انسٹاگرام کی جانب سے ایک اور فیچر پر کام جاری ہے جس کے تحت صارف کا ڈیٹا کسی بھی کمپنی کے پاس جانے سے قبل اُس کی اجازت درکار ہوگی۔
Starting today, we’re making it easier to manage all of the third-party services connected to your Instagram account, so you have more control over the data you share with other apps and services.
Learn more: https://t.co/AkHefZHOam pic.twitter.com/5ohjyBU0Na
— Instagram (@instagram) October 15, 2019
