لاہور : پولیس بے خبر رہی والدین نے مغوی بچے کو تاوان دے کر چھڑا لیا، لاہور سے ڈکیت گینگ کے دو کارندے پکڑے گئے، لاکھوں کی نقدی،15موبائل فون، لیپ ٹاپ اوراسلحہ برآمد کرلیا گیا۔
\تفصیلات کے مطابق لاہور انوسٹی گیشن ونگ کی کارکردگی کا پول کھل گیاذرائع کا کہنا ہے کہ والدین نے اغوا کاروں کو 60 لاکھ روپے تاوان دے کر مغوی بچہ کو چھڑا لیا۔
پولیس کے مطابق نامعلوم افراد نے رہائی کے بدلے ایک کروڑ روپے تاوان کا مطالبہ کیا تھا، شک کی بنا پر ایک شخص کو حراست میں لیا گیا ہے جس سے تفتیش جاری ہے۔
لاہور پولیس کا کہنا ہے کہ رواں سال اغوا برائے تاوان کی6وارداتیں رپورٹ ہوئیں، ذرائع کے مطابق چار کیسوں میں مغویان کو مبینہ طور پر رہائی تاوان دے کر عمل میں لائی گئی۔
دوسری جانب لاہور انوسٹی گیشن پولیس نے نشترکالونی میں کارروائی کے دوران ڈکیت گینگ کے دو کارندے گرفتار کرلیے، گرفتار ملزمان سے لاکھوں روپے نقدی،15موبائل فون،لیپ ٹاپ اوراسلحہ برآمد کیا گیا ہے۔
