سیالکوٹ : ٹریفک حادثے میں ایک ہی خاندان کے چار سالہ بچی سمیت6افراد جاں بحق ہوگئے، وزیراعلیٰ عثمان بزدار نے حادثے کے بارے میں انتظامیہ سے رپورٹ طلب کر لی ہے۔
تفصیلات کے مطابق سیالکوٹ میں پسرور روڈ پر خوفناک ٹریفک حادثہ پیش آیا ہے، دو گاڑیوں کے درمیان خوفناک تصادم کے نتیجے میں چھ افراد جاں بحق ہوگئے، متوفیان کا تعلق ایک ہی خاندان سے ہے۔
اطلاعات کے مطابق تین افراد نے موقع پر ہی دم توڑ دیا جبکہ تین افراد اسپتال پہنچ کر دوران علاج دم توڑ گئے، متوفیان کی لاشیں لواحقین کے حوالے کردی گئیں۔
اسپتال ذرائع کا کہنا ہے کہ ٹریفک حادثے میں جاں بحق ہونے والوں میں35سالہ محمد یعقوب،38سالہ محمد فاروق30 سالہ رضیہ مظفر،14سالہ صدف ذوالفقار چار سالہ فضیلت مظفر، سفیان علی اور24سالہ ڈرائیور بھی شامل ہیں۔
علاوہ ازیں وزیراعلیٰ پنجاب عثمان بزدار نے پسرور کے قریب ٹریفک حادثہ میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔
وزیراعلیٰ نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے حادثے کے بارے میں انتظامیہ سے رپورٹ طلب کرلی ہے۔
