دبئی: متحدہ عرب امارات کی ریاست دبئی میں کوڑے دان میں پھینکے گئے نومولود بچے لاش برآمد ہوئی ہے، پولیس نے 3 ملزمان کو گرفتار کرلیا۔
تفصیلات کے مطابق دبئی میں ملزمان اپنے نومولود بچے کو کوڑے دان میں پھینک کر فرار ہوگئے جنہیں پولیس نے حراست میں لے کر عدالت میں پیش کردیا، رپورٹ کے مطابق نومولود بچہ پاکستانی شخص اور فلپائنی خاتون کا تھا۔
دبئی کی عدالت میں پاکستانی شخص کی جانب نے اپنے نومولود بچے کی لاش کو چھپانے کے الزام میں کیس کی سماعت کی گئی۔
پبلک پراسیکیوٹر کا کہنا تھا کہ 35 سالہ خاتون کے اس شخص کے ساتھ ناجائز تعلقات تھے بعد میں ملزم نے اپنے 50 سالہ ہم وطن دوست کی مدد سے اس ناجائز بچے کو ضائع کرنے کا ارادہ دیا اور 38 سالہ شخص نے لاش کو کوڑے دان میں ڈال دیا۔
مزید پڑھیں: روازنہ سات ہزار نومولود بچے موت کی نیند سو جاتے ہیں، یونیسیف
پبلک پراسیکیوٹر کے مطابق کیس میں گرفتار دونوں خواتین پر ویزا کی میعاد ختم ہونے کا الزام ہے۔
رپورٹ کے مطابق تینوں مدعا علیہان پر مجاز حکام کو کسی جرم کی اطلاع دینے میں ناکام رہنے کا الزام عائد کیا گیا ہے۔
کیس کی سماعت کے دوران بچے کی والدہ بے گناہ قرار پائی کیونکہ وہ بچے کی پیدائش کے بعد ہی انتقال کرگئی تھی۔
دبئی پولیس کی تفتیش کے دوران ملزمان نے اپنے جرم کا اعتراف کرلیا تاہم تفتیش کے دوران یہ ثابت نہیں ہوسکا ہے نومولود لڑکا تھا یا لڑکی۔
یاد رہے کہ مذکورہ واقعہ رواں سال جون میں بُردبئی کے علاقے میں پیش آیا تھا اور ملزمان کو 23 جون کو گرفتار کیا گیا تھا۔
عدالت نے ملزمان کو جوڈیشل ریمانڈ پر جیل بھیج دیا اور کیس کی سماعت 5 دسمبر تک ملتوی کردی۔
