کراچی : صدر مملکت ڈاکٹرعارف علوی نے کہا ہے کہ گلوبل وارمنگ سے پاکستان سمیت پوری دنیا متاثر ہورہی ہے، موسمیاتی تبدیلیوں سے ملکی ثقافتی ورثہ محفوظ بنانے کے اقدام کررہے ہیں۔
ان خیالات کا اظہارانہوں نے کراچی میں سرسبز پائیدار فن تعمیر کانفرنس سے خطاب کرتے ہوئے کیا، صدر مملکت نے کہا کہ موسمیاتی تبدیلیوں سے ملکی ثقافتی ورثہ محفوظ بنانے کے اقدام کررہے ہیں۔
حکومت کا گرین اینڈ کلین پاکستان منصوبہ بھی اسی سلسلے کی کڑی ہے، گلوبل وارمنگ سے پاکستان سمیت پوری دنیا متاثر ہورہی ہے۔
صدرعارف علوی کا کہنا تھا کہ گلوبل وارمنگ کے چیلنجز سے نمٹنے کیلئے عالمی سطح پر اقدامات کرنا ہوں گے، ماحولیاتی تبدیلی سے سیاحت سمیت مختلف شعبے متاثر ہورہے ہیں۔
دنیا کی بڑی طاقتیں گلوبل وارمنگ کے چیلنج سے نمٹنے کیلئے سنجیدہ نہیں، ماحولیاتی تبدیلی سے کرہ ارض پرموجود حیات کو خطرات لاحق ہیں، موسمیاتی تبدیلیوں سے آبی قلت جیسے مسائل جنم لے رہے ہیں۔
اس سے قبل لاہور میں ایک تقریب سے خطاب کرتے ہوئے صدر مملکت ڈاکٹر عارف علوی کا کہنا تھا کہ پاکستانی حکومت اور عوام سیاحت کے فروغ کیلئے کوشاں ہے، میں بھی بذات خود سیاحت کا بےحد شوقین ہوں۔
انہوں نے کہا کہ پاکستان قدرتی مناظر سے مالامال ملک ہے جو سیاحوں کیلئے مکمل طور پرکھلا ہے، پاکستانی حکومت سیاحت کے فروغ کیلئے خواہاں ہے، سیاحت سے مختلف تجربات اورنئی جگہیں دیکھنے کا موقع ملتا ہے۔
