کراچی: موسم سرما کی آمد آمد ہے ایسے موسم مرد و خواتین کو اکثر بال گرنے، روکھے ہونے اور بالوں میں خشکی کی شکایات درپیش ہوتی ہے جس سے وہ چھٹکارا پانے کے لیے ہرممکن کوشش کرتے ہیں۔
تفصیلات کے مطابق اے آر وائی نیوز کے پروگرام ’باخبر سویرا‘ میں بال گرنے سے روکنے اور روکھے بالوں کو سیدھا کرنے کا طریقہ بتایا گیا ہے۔
رپورٹ کے مطابق سردیوں میں لوگوں کی اکثر تعداد نہانے کے لیے گرم پانی کا استعمال کرتی ہے اور اس وجہ سے بھی بالوں میں خشکی بڑھ جاتی ہے۔
ہیئر ایکسپرٹ غانیہ سعید نے کہا کہ سردی میں خنکی زیادہ ہوتی ہے، ہمیں یہ دیکھنا ہوتا ہے کہ کھانا پینا، موسم ان کن چیزوں کی وجہ سے بالوں میں خشکی اور گرنے اور کس وجہ سے بالوں کو نقصان پہنچ رہا ہے۔
انہوں نے کہا کہ وٹامن ای کا استعمال بالوں کی چمک کو بڑھاتا ہے اس کے علاوہ بالوں کی نیرشمنٹ (تیل لگانا) ضروری ہے، غانیہ نے کہا کہ تیل سے بالوں کو بھرنا نہیں ہے اور تیل کو لگاکر سونا بھی نہیں ہے 30 سے 35 منٹ میں بالوں کو دھو لیں۔
غانیہ کے مطابق شیمپو کے بعد ڈیپ کنڈیشننگ ماسک استعمال کرنا ہے، شیمپو کا کام نیچرل آئل کو ہٹانا کا ہے، شیمپو کے بعد کنڈیشنر کا استعمال ضروری ہے۔
ایک سوال کے جواب میں ہیئر ایکسپرٹ کا کہنا تھا کہ شیمپو کچھ لوگ چار دن بعد لگاتے ہیں کچھ شیمپو کا استعمال روزانہ کی بنیاد پر کرتے ہیں لیکن اس سے کوئی فرق نہیں پڑتا ہے تاہم شیمپو کے بعد کنڈیشنر کا استعمال لازمی کیا جانا چاہئے۔
