بیجنگ : چین نے سابق وزیراعظم نوازشریف کا نام ای سی ایل سے نکالنے کے عدالتی فیصلے کا خیر مقدم کیا، چینی وزارت خارجہ کےڈپٹی ڈائریکٹرجنرل انفارمیشن نے کہا لاہورہائی کورٹ کا فیصلہ خوش آئند اور ضرورت تھا۔
تفصیلات کے مطابق چینی وزارت خارجہ کے ڈپٹی ڈی جی انفارمیشن نے سماجی رابطے کی ویب سائٹ ٹوئٹر پر لاہورہائی کورٹ فیصلے پر کہا کہ نوازشریف کانام ای سی ایل سے نکالنے کا عدالتی فیصلہ خوش آئندہے، لاہورہائی کورٹ کا فیصلہ ضرورت تھا۔
This decision by the #LahoreHighCourt is a decision in need, thus a good decision indeed. https://t.co/VzVdSCO07c
— Lijian Zhao 赵立坚 (@zlj517) November 18, 2019
یاد رہے لاہور ہائی کورٹ نے سابق وزیراعظم نوازشریف کو بیرون ملک جانے کے لیے حکومت کی جانب سے عائد کردہ انڈیمنٹی بانڈز کی شرط کو مسترد کرتے ہوئے غیر مشروط طور پر بیرون ملک جانے کی اجازت دی تھی ، فیصلے میں کہا گیا تھا کہ نوازشریف کو علاج کےغرض سے 4 ہفتوں کے لیے باہر جانے کی اجازت دی جاتی ہے اور اس مدت میں توسیع بھی ممکن ہے۔
خیال رہے نواز شریف کل علاج کے لیے بیرون ملک روانہ ہوں گے، نواز شریف کو بیرون ملک لے جانے کے لیے ائیر ایمبولنس کل پہنچے گی، شہباز شریف اور ڈاکٹر عدنان ان کے ہمراہ روانہ ہوں گے۔
