اسلام آباد: وفاقی وزیر برائے مواصلات مراد سعید نے کہا ہے کہ احسن اقبال کی حکومت اداروں کا جنازہ نکال کر رخصت ہوئی، بھائی کے ٹھیکوں سے اربوں کمانے والوں کا خوف ان کے چہروں سے جھلک رہا ہے۔
یہ بات انہوں نے ن لیگ کے رہنما احسن قبال کی پریس کانفرنس کے ردعمل میں کہی۔ مراد سعید کا احسن اقبال کو مخاطب کرتے ہوئے کہنا تھا کہ ہم نے اداروں کو چٹھیاں نہیں سرکاری دستاویزات فراہم کئے ہیں، خوف سے آپ کی یاد داشت متاثر ہوئی ہے یا پھر آپ حقائق سے آنکھیں چرا رہے ہیں،۔
انہوں نے کہا کہ ن لیگ قوم پر2400 ارب ڈالرز کا قرض ڈال کر چلتی بنی، احسن اقبال کی حکومت اداروں کا جنازہ نکال کر رخصت ہوئی۔
مراد سعید نے کہا کہ عدالت نے عمران خان کو صادق اور امین جبکہ نواز شریف کو خائن قراردیا ہے، عمران خان وزیراعظم بننے سے پہلے کسی بھی سرکاری منصب پر نہیں رہے۔
مزید پڑھیں: سب سے زیادہ غربت سندھ میں کیوں؟ مراد سعید کا بلاول بھٹو کے خطاب پر ردعمل
وفاقی وزیر نے شہباز شریف سے متعلق کہا کہ بھائی کے ٹھیکوں سے اربوں کمانے والوں کا خوف ان کے چہروں سے جھلک رہا ہے۔