کراچی : فیروز آباد پولیس نے گھروں میں کام کرنے والی تین چور خواتین کو گرفتار کرلیا، رینجرز نے مختلف علاقوں میں کارروائیاں کرکے9ملزمان کو حراست میں لے کر اسلحہ و منشیات برآمد کرلیں۔
تفصیلات کے مطابق کراچی کے علاقے فیروزآباد تھانے پولیس نے کامیاب کارروائی کرتے ہوئے3خواتین کو گرفتار کیا ہے۔
اس حوالے سے پولیس نے میڈیا کو بتایا کہ گرفتارتینوں خواتین گھروں میں چوریاں کرتی تھیں، ملزمان خواتین گھروں میں کام کے بہانے نوکری کرکے وارداتیں کیا کرتی تھیں، گرفتارخواتین کے نام فاطمہ،حمیرہ اورسبین ہے۔
پولیس کے مطابق گرفتارخواتین سے مسروقہ زیورات، نقدی اور دیگرسامان بھی برآمد ہوا ہے، گرفتارخواتین کےخلاف مقدمہ درج کرکے مزید تحقیقات شروع کردی گئیں۔
علاوہ ازیں رینجرز اہلکاروں نے کراچی کے مختلف علاقوں میں کارروائیاں کرکے 19ملزمان کو گرفتار کرلیا، ترجمان رینجرز کے مطابق مذکورہ کارروائیاں گلشن معمار، گلستان جوہر، بلدیہ اور سعودآباد میں کی گئیں۔
مزید پڑھیں : جدہ، لڑکوں کو چھیڑنے پر پاکستانی خواتین گرفتار
اس کے علاوہ کورنگی انڈسٹریل ایریا، نیپئر، کھارادر، اتحادٹاؤن اور مدینہ کالونی سے بھی ملزمان کو حراست میں لے کر ان کے قبضے سے اسلحہ اور منشیات برآمد کی گئیں۔
